കസിരംഗ ദേശീയ ഉദ്യാനം സന്ദർശകർക്കായി വീണ്ടും തുറന്നു
ഗോഹട്ടി: പ്രളയത്തിനു ശേഷം ആസാമിലെ കസിരംഗ ദേശീയ ഉദ്യാനം സന്ദർശകർക്കായി വീണ്ടും തുറന്നു. മുഖ്യമന്ത്രി സർബാനന്ദ സോനോവാൾ പാർക്ക് സന്ദർശകർക്കായി തുറന്നുകൊടുത്തു. പാർക്കിന്റെ ഭംഗി വർധിപ്പിക്കാനും സംരക്ഷണം, വികസനം എന്നിവയ്ക്കുമായും സംസ്ഥാന സർക്കാർ വിവിധ നടപടികൾ സ്വീകരിച്ചതായി മുഖ്യമന്ത്രി പറഞ്ഞു.
ഒറ്റക്കൊമ്പൻ കാണ്ടാമൃഗങ്ങൾക്ക് പേരുകേട്ടതാണ് കസിരംഗ. കഴിഞ്ഞ പ്രളയത്തിൽ പാർക്കിന്റെ 70 ശതമാനവും വെള്ളത്തിനടിയിലായിരുന്നു. മൃഗങ്ങളെ അധികൃതർ സുരക്ഷിത കേന്ദ്രങ്ങളിലേക്ക് മാറ്റിയാണ് രക്ഷപെടുത്തിയത്.
