മദ്യനിരോധന സംസ്ഥാനത്ത് വൻ ദുരന്തം; നാഗാലാൻഡിൽ വിഷമദ്യം കഴിച്ച് 19 മരണം
ശാരിക
മൊകോക്ചുംഗ്: നാഗാലാൻഡിൽ വിഷമദ്യം കഴിച്ച് 19 പേർ മരിച്ചു. കഴിഞ്ഞ രണ്ട് ദിവസത്തിനിടെ മൊകോക്ചുംഗ്, ടുൻസാംഗ് ജില്ലകളിലാണ് ഈ ദുരന്തം റിപ്പോർട്ട് ചെയ്തത്. മൊകോക്ചുംഗിൽ എട്ടുപേരും ടുൻസാംഗ് ജില്ലയിൽ പതിനൊന്നുപേരുമാണ് വ്യാജമദ്യം കഴിച്ച് മരണപ്പെട്ടത്.
സംഭവത്തെക്കുറിച്ച് സമഗ്രമായി അന്വേഷിക്കുന്നതിനും വ്യാജമദ്യത്തിന്റെ ഉറവിടവും വിതരണ ശൃംഖലയും കണ്ടെത്തുന്നതിനുമായി അഡീഷണൽ സൂപ്രണ്ട് ഓഫ് പൊലിസ് ഐ. ബംഗ്ലാംഗ് ചാംഗ് നയിക്കുന്ന പ്രത്യേക അന്വേഷണ സംഘത്തെ രൂപീകരിച്ചതായി സീനിയർ സൂപ്രണ്ട് ഓഫ് പൊലിസ് വെസുപ്ര കെസോ അറിയിച്ചു. ദുരന്തത്തെ തുടർന്ന് പൊലിസ് നടത്തിയ പരിശോധനകളിൽ 19 പേരെ അറസ്റ്റ് ചെയ്യുകയും ഏകദേശം 3,000 കുപ്പി മദ്യം പിടിച്ചെടുക്കുകയും ചെയ്തിട്ടുണ്ട്. 1990 മുതൽ നാഗാലാൻഡിൽ മദ്യനിരോധനം നിലവിലുണ്ട്.
#Nagaland #HoochTragedy #LiquorBan #NagalandNews #PoliceInvestigaton #4PMNews
dddsasdas
