ഭീകരതയെ സഹായിക്കുന്നത് ഉടൻ അവസാനിപ്പിക്കണം, അല്ലെങ്കിൽ ഭൂപടം തന്നെ മാറ്റേണ്ടി വരും; പാകിസ്ഥാന് ശക്തമായ താക്കീതുമായി ഇന്ത്യ
ശാരിക
ന്യൂഡൽഹി l ഭീകരതയെ സഹായിക്കുന്നത് പാകിസ്ഥാൻ ഉടൻ അവസാനിപ്പിക്കണം. അല്ലെങ്കിൽ ഭൂപടം തന്നെ മാറ്റേണ്ടി വരുമെന്ന താക്കീതുമായി ഇന്ത്യൻ കരസേന മേധാവി ജനറൽ ഉപേന്ദ്ര ദ്വിവേദി രംഗത്ത്. ബീക്കാനെറിലെ സൈനികരെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. ഓപ്പറേഷൻ സിന്ദൂരിൽ ഇന്ത്യ കാട്ടിയ സംയമനം അടുത്ത തവണ ആവർത്തിക്കണമെന്നില്ലെന്നും ഭീകരതയെ സഹായിക്കുന്ന പാകിസ്ഥാന്റെ നിലപാട് ഇന്ത്യയുടെ ദേശീയ സുരക്ഷയെ ബാധിക്കുന്നുവെന്നും അദ്ദേഹം വ്യക്തമാക്കി.
സൈനികർക്ക് പൂർണ പിന്തുണയുണ്ടെന്ന് ഉറപ്പ് നൽകി. രാജ്യത്തിന്റെ അഖണ്ഡത സംരക്ഷിക്കാൻ സൈന്യം എല്ലാ നിമിഷവും സജ്ജമാണെന്നും ജനറൽ ദ്വിവേദി പറഞ്ഞു. അതൊടൊപ്പം ഓപ്പറേഷൻ സിന്ദൂറിൽ പാകിസ്ഥാൻ കേന്ദ്രീകരിച്ചുള്ള ഭീകരപ്രവർത്തനങ്ങൾക്ക് ശക്തമായ തിരിച്ചടി നൽകാൻ ഇന്ത്യക്കായെന്നും അദ്ദേഹം കൂട്ടിച്ചേർത്തു.
