അഷ്‌റഫ് മായേരിക്ക് യാത്രയയപ്പ് നൽകി
പ്രദീപ് പുറവങ്കര
മുഹറഖ്: മൂന്ന് പതിറ്റാണ്ടിലേറെ നീണ്ട ബഹ്‌റൈനിലെ പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന സമസ്ത ബഹ്‌റൈൻ മുഹറഖ് ഏരിയയുടെ മുൻ ഭാരവാഹിയും സജീവ പ്രവർത്തകനുമായ അഷ്‌റഫ് മായേരിക്ക് (വടകര പയ്യോളി) മുഹറഖ് ഏരിയ കമ്മിറ്റി സ്നേഹനിർഭരമായ യാത്രയയപ്പ് നൽകി. ഏരിയ കമ്മിറ്റിയുടെ സ്നേഹോപഹാരം പ്രസിഡന്റ് ബഷീർ മൗലവി വെള്ളാളൂർ ചടങ്ങിൽ വെച്ച് അഷ്‌റഫ് മായേരിക്ക് കൈമാറി. യാത്രയയപ്പ് ചടങ്ങിൽ ഉമ്മർ മുസ്‌ലിയാർ വയനാട്, ശറഫുദ്ധീൻ മാരായമംഗലം, ഹാരിസ് മുണ്ടേരി എന്നിവർ ആശംസകൾ നേർന്നു സംസാരിച്ചു.
പി.ടി. റഷീദ് മംഗലം, സൈദ് ചുണ്ടം പറ്റ, ജാഫർ പുതുപ്പണം എന്നിവരും ചടങ്ങിൽ സംബന്ധിച്ചു. ഏരിയ കമ്മിറ്റി സെക്രട്ടറി ശുഹൈബ് പൂക്കാത്ത് സ്വാഗതവും നസീം പൂനൂർ നന്ദിയും പറഞ്ഞു.
safsd
