തെരുവോരത്തെ നാടോടിക്കുട്ടികളെ പുനരധിവസിപ്പിക്കണമെന്ന് ഹൈക്കോടതി
തെരുവിൽ അലയുന്ന നാടോടി കുട്ടികളുടെ അടക്കം പുനരധിവാസത്തിൽ സ്വമേധയാ ഇടപെട്ട് കേരള ഹൈക്കോടതി. റോഡരികിൽ കിടന്നുറങ്ങുന്ന കുട്ടികൾക്ക് സംരക്ഷണവും പരിചരണവും ഉറപ്പാക്കണമെന്ന് ചീഫ് ജസ്റ്റിസ് എസ്. മണികുമാർ അധ്യക്ഷനായ ഡിവിഷൻ ബെഞ്ച് സംസ്ഥാന സർക്കാരിന് നിർദേശം നൽകി.
ഭിക്ഷ യാചിക്കൽ, സാധനങ്ങൾ വിൽക്കൽ എന്നിവയിൽ ഏർപ്പെട്ടിരിക്കുന്ന കുട്ടികളെ ഷെൽട്ടർ ഹോമുകളിൽ പാർപ്പിക്കുകയോ, സ്വദേശത്തേക്ക് മടക്കി അയക്കുകയോ ചെയ്യണം. കുട്ടികളുടെ സംരക്ഷണം ഉറപ്പാക്കാന് സ്വീകരിച്ച നടപടികൾ അറിയിക്കാനും കോടതി സർക്കാരിനോട് ഉത്തരവിട്ടു.
aetsey
