പ്ലസ്ടു വിദ്യാർത്ഥിനിക്ക് അശ്ലീല സന്ദേശമയച്ച അധ്യാപകൻ അറസ്റ്റിൽ
പതിനേഴുകാരിക്ക് മൊബൈൽ ഫോണിൽ അശ്ലീല സന്ദേശമയച്ച കായിക അധ്യാപകൻ അറസ്റ്റിൽ. കണ്ണൂർ ജില്ലയിലെ ചെറുതാഴം ഹയർ‍സെക്കൻഡറി സ്കൂളിലെ അധ്യാപകൻ കെ.സി സജീഷ് (34) ആണ് പിടിയിലായത്. പരിയാരം പൊലീസ് ആണ് പിടികൂടിയത്. കാര്യപ്പള്ളി സ്വദേശിയായ സജീഷ് കൊളപ്രത്താണ് താമസം.
കഴിഞ്ഞ ദിവസം രാവിലെ 10.42ഓടെയാണ് പെൺകുട്ടി ഉപയോഗിക്കുന്ന മാതാവിന്റെ മൊബൈൽ ഫോണിലേക്ക് അശ്ലീല സന്ദേശമയച്ചത്. പഴയങ്ങാടി പൊലീസ് സ്റ്റേഷൻ പരിധിയിൽ താമസിക്കുന്ന പെൺ‍കുട്ടിക്കാണ് അശ്ലീല സന്ദേശമയച്ചത്.
സംഭവം ശ്രദ്ധയിൽ‍പ്പെട്ടതിനെ തുടർ‍ന്ന്, പെൺ‍കുട്ടിയുടെ ബന്ധുക്കളും നാട്ടുകാരും ഇന്നലെ ഉച്ചതിരിഞ്ഞ് അധ്യാപകനെ അന്വേഷിച്ച്‌ സ്കൂളിൽ എത്തിയിരുന്നുവെങ്കിലും അവിടെ ഉണ്ടായിരുന്നില്ല. പരാതിയെ തുടർ‍ന്ന്, പൊലീസ് അന്വേഷിച്ച്‌ കൊണ്ടിരിക്കെ ഇന്നലെ രാത്രി മാടായിപ്പാറയിൽ വെച്ചാണ് പിടികൂടിയത്. പ്രതിയെ കോടതിയിൽ ഹാജരാക്കി.
hjc
