കോണ്ഗ്രസിന്റെ ചക്രസ്തംഭന സമരത്തിനിടെ പാലക്കാട് സംഘര്ഷം
പാലക്കാട്: ഇന്ധനവില വര്ദ്ധനവിനെതിരായി കോണ്ഗ്രസ് നടത്തുന്ന ചക്രസ്തംഭന സമരത്തിനിടെ പാലക്കാട് പോലീസും കോണ്ഗ്രസ് പ്രവര്ത്തകരും തമ്മില് സംഘര്ഷം. പാലക്കാട് സുല്ത്താന്പേട്ട് ജങ്ഷനില്വെച്ച് വി.കെ. ശ്രീകണ്ഠന് ഉള്പ്പടെയുള്ള കോണ്ഗ്രസ് പ്രവര്ത്തകരെ പോലീസ് തടഞ്ഞതാണ് സംഘര്ഷത്തിലേക്ക് നയിച്ചത്. നാല് റോഡുകള് ചേരുന്ന സുല്ത്താന്പേട്ട് ജങ്ഷനില് ഗതാഗതം തടസ്സപ്പെടുത്തി സമരം ചെയ്യാനാവില്ലെന്ന് പോലീസ് കോണ്ഗ്രസ് നേതാക്കളെ അറിയിച്ചു. എന്നാല് തങ്ങള് നിശ്ചയിച്ച സ്ഥലം ഇതാണെന്നും സമരം നടത്തുമെന്നും കോണ്ഗ്രസ് പ്രവര്ത്തകര് അറിയിക്കുകയായിരുന്നു. ഇതാണ് പോലീസും പ്രവര്ത്തകരും തമ്മില് സംഘര്ഷത്തിലേക്ക് നയിച്ചത്.
