പെണ്കുട്ടിക്ക് മോശം സന്ദേശം അയച്ചതിനെ ചൊല്ലി തർക്കം; പൂച്ചാക്കലിൽ യുവാവിനെ വെട്ടിക്കൊന്നു
ആലപ്പുഴ: പൂച്ചാക്കലിൽ ഏഴംഗ സംഘം യുവാവിനെ വെട്ടിക്കൊന്നു. തൈക്കാട്ടുശേരി രോഹിണിയില് വിപിന് ലാല് (37) ആണ് കൊല്ലപ്പെട്ടത്. സംഭവത്തിലെ പ്രതികളിലൊരാളായ സുജിത്തിനെ പോലീസ് അറസ്റ്റ് ചെയ്തിട്ടുണ്ട്. ഒരു പെണ്കുട്ടിക്ക് മോശം സന്ദേശം അയച്ചതുമായി ബന്ധപ്പെട്ട് ഇരു വിഭാഗങ്ങള് തമ്മില് നേരത്തെ തര്ക്കമുണ്ടായിരുന്നു. ഇതാണ് കൊലപാതകത്തിന് കാരണമെന്നാണ് പോലീസ് നിഗമനം. ടാങ്കർ ലോറി ഉടമയാണ് മരിച്ച വിപിൻ ലാൽ.