'കണ്ണടച്ച് ഇരുട്ടാക്കിയാൽ അങ്ങേക്ക് മാത്രമേ ഇരുട്ടാകൂ'; പിണറായി വിജയനെതിരെ രമേശ് ചെന്നിത്തല
ഷീബ വിജയൻ
ലോകായുക്തയുടെ ഉന്നത തല യോഗം താൻ വിളിച്ചു ചേർത്തുവെന്ന പ്രതിപക്ഷ നേതാവ് പിണറായി വിജയന്റെ ആരോപണം നിഷേധിച്ച് ആഭ്യന്തരമന്ത്രി രമേശ് ചെന്നിത്തല. പിണറായിയുടെ പ്രതികരണം പൂർണ്ണമായും തെറ്റിദ്ധാരണജനകവും, വസ്തുതകൾക്ക് നിരക്കാത്തതുമാണ്. അഞ്ജനമെന്നതെനിക്കറിയാം മഞ്ഞൾ പോലെ വെളുത്തിരിക്കും എന്ന പഴഞ്ചൊല്ല് പോലെയാണ് പ്രതിപക്ഷ നേതാവിന്റെ ആരോപണമെന്നും രമേശ് ചെന്നിത്തല ഫെയ്സ്ബുക്ക് കുറിപ്പിൽ പറഞ്ഞു.
ആഭ്യന്തരമന്ത്രി എന്ന നിലയിൽ താൻ ഇടപെട്ട് ലോകായുക്തയുടെ യോഗം വിളിച്ചിട്ടില്ല. ലോകായുക്ത സർക്കാരിനോട് ആവശ്യപ്പെട്ടതനുസരിച്ചായിരുന്നു ആ യോഗം. സർക്കാരിൽ നിന്നും അടിയന്തിരമായി ചില ഇടപെടലുകൾ വേണമെന്നും അവർക്ക് ഭരണനിർവ്വഹണത്തിനുള്ള തടസങ്ങൾ നീക്കാൻ ഇത് അത്യാവശ്യമാണെന്നും ലോകായുക്ത ഔദ്യോഗികമായി ആവശ്യപ്പെട്ടതിനുസരിച്ചാണ് യോഗം നടന്നതെന്നും രമേശ് ചെന്നിത്തല വിശദീകരിച്ചു.
ലോകായുക്തയുടെ അധികാരങ്ങൾ കവർന്നെടുക്കാനും സർക്കാരിന്റെ നിയന്ത്രണത്തിൽ കൊണ്ടുവരാനുമാണ് യോഗം വിളിച്ചതെന്നാണ് പിണറായി ആരോപിക്കുന്നത്. എന്നാൽ മുമ്പ് നടന്ന ചില 'അട്ടിമറി'കളെക്കുറിച്ച് പറഞ്ഞു തരാമെന്നും ചെന്നിത്തല കൂട്ടിച്ചേർത്തു. 2006 ഓഗസ്റ്റിൽ മുഖ്യമന്ത്രി വി.എസ്. അച്യുതാനന്ദന്റെ അധ്യക്ഷതയിൽ ലോകായുക്തയുടെ യോഗം നടന്നിട്ടുണ്ട്. 2014-ൽ ഉമ്മൻചാണ്ടി പങ്കെടുത്ത ലോകായുക്തയുടെ യോഗവും നടന്നിട്ടുണ്ട്. പിണറായി മുഖ്യമന്ത്രി ആയിരിക്കുമ്പോൾ ഹൈക്കോടതി ചീഫ് ജസ്റ്റിസുമായി പലതവണ മീറ്റിംഗ് നടത്തിയിട്ടുണ്ട്. ഹൈക്കോടതിയെ സ്വാധീനിക്കാനാണ് അതെന്ന് ആരും പറഞ്ഞിട്ടില്ലെന്നും രമേശ് ചെന്നിത്തല വ്യക്തമാക്കി.
#RameshChennithala #PinarayiVijayan #Lokayukta #KeralaPolitics #UDF
ddddf
