സംസ്ഥാനത്ത് ഇന്ന് രാത്രി പവർകട്ട് ഉണ്ടായേക്കില്ല; റിയൽ ടൈം മാർക്കറ്റിൽ നിന്ന് 1024 മെഗാവാട്ട് വൈദ്യുതി ലഭ്യമാക്കി
തിരുവനന്തപുരം: കഴിഞ്ഞ ഏതാനും ദിവസങ്ങളായി സംസ്ഥാനത്ത് അനുഭവപ്പെട്ടിരുന്ന കടുത്ത വൈദ്യുതി പ്രതിസന്ധിക്ക് ആശ്വാസമായി ഇന്ന് രാത്രി പവർകട്ട് ഉണ്ടായേക്കില്ലെന്ന് വൈദ്യുതി വകുപ്പ് മന്ത്രിയുടെ ഓഫീസ് അറിയിച്ചു. റിയൽ ടൈം മാർക്കറ്റിൽ നിന്ന് (തത്സമയ വിപണി) 1024 മെഗാവാട്ട് അധിക വൈദ്യുതി ലഭ്യമാക്കാൻ സാധിച്ചതാണ് തിരിച്ചടിയൊഴിവാക്കാൻ സഹായകരമായത്.
പ്രതിദിനം 900 മെഗാവാട്ട് മുതൽ 1000 മെഗാവാട്ട് വരെ വൈദ്യുതിയുടെ കുറവാണ് കഴിഞ്ഞ ദിവസങ്ങളിൽ സംസ്ഥാനത്ത് നേരിട്ടിരുന്നത്. എന്നാൽ അവധി ദിവസമായ ഇന്ന് തത്സമയ വിപണിയിൽ നിന്ന് ആവശ്യമായ വൈദ്യുതി ലഭിച്ചതോടെ നിയന്ത്രണങ്ങൾ ഒഴിവാക്കുകയായിരുന്നു. ഇതോടെ ഇന്ന് രാത്രി തടസ്സമില്ലാതെ വൈദ്യുതി ലഭിക്കുന്നത് ജനങ്ങൾക്ക് വലിയ ആശ്വാസമാകും.
aa
