വിലക്ക് ലംഘിച്ച് സന്നിധാനത്ത് സിനിമാ ചിത്രീകരണം; അന്വേഷണത്തിന് ഉത്തരവിട്ട് ദേവസ്വം ബോർഡ്
ശാരിക l കേരളം l പത്തനംതിട്ട
മകരവിളക്ക് ദിവസം ശബരിമല സന്നിധാനത്ത് വിലക്ക് ലംഘിച്ച് സിനിമാ ചിത്രീകരണം നടത്തിയതായി പരാതി. സംവിധായകൻ അനുരാജ് മനോഹറിന്റെ പുതിയ ചിത്രത്തിന്റെ ഷൂട്ടിംഗ് നടന്നതായാണ് പരാതി ലഭിച്ചിരിക്കുന്നതെന്ന് ദേവസ്വം ബോർഡ് അധ്യക്ഷൻ കെ. ജയകുമാർ അറിയിച്ചു. മകരവിളക്ക് ദൃശ്യങ്ങൾ ചിത്രീകരിക്കാൻ അണിയറപ്രവർത്തകർ അനുമതി തേടിയിരുന്നെങ്കിലും അത് നിഷേധിച്ചിരുന്നുവെന്നും ഷൂട്ടിംഗ് നടന്നുവെന്ന പരാതിയിൽ അന്വേഷണം നടത്താൻ ദേവസ്വം വിജിലൻസ് എസ്പിക്ക് നിർദ്ദേശം നൽകിയതായും അദ്ദേഹം പറഞ്ഞു. വിജിലൻസ് റിപ്പോർട്ട് ലഭിച്ച ശേഷം തുട നടപടികൾ സ്വീകരിക്കുമെന്നും അദ്ദേഹം വ്യക്തമാക്കി.
അതേസമയം, സന്നിധാനത്തല്ല പമ്പയിലാണ് ചിത്രീകരണം നടത്തിയതെന്നാണ് സംവിധായകൻ അനുരാജ് മനോഹറിന്റെ വിശദീകരണം. സന്നിധാനത്ത് മാധ്യമപ്രവർത്തകർ നിൽക്കുന്ന ഭാഗത്ത് ഷൂട്ട് ചെയ്യാൻ അനുമതി തേടിയെങ്കിലും ദേവസ്വം അധ്യക്ഷൻ അത് നിഷേധിച്ച കാര്യം അദ്ദേഹം സമ്മതിച്ചു. തുടർന്ന് സന്നിധാനത്ത് വച്ച് എഡിജിപി എസ്. ശ്രീജിത്തിനെ കണ്ടതായും അദ്ദേഹത്തിന്റെ നിർദ്ദേശപ്രകാരമാണ് പമ്പയിൽ ഷൂട്ടിംഗ് നടത്തിയതെന്നും സംവിധായകൻ പറഞ്ഞു. പമ്പ പശ്ചാത്തലമായ സിനിമയാണിതെന്നും അന്വേഷണം നടക്കട്ടെ എന്നും അദ്ദേഹം കൂട്ടിച്ചേർത്തു.
ോിോി
