സംസ്ഥാനത്തെ മുഴുവൻ തെരുവുനായകളെയും മാറ്റുന്നത് പ്രായോഗികമല്ലെന്ന് മന്ത്രി എം.ബി. രാജേഷ്
ശാരിക
പാലക്കാട്: സംസ്ഥാനത്തെ മുഴുവൻ തെരുവുനായകളെയും മാറ്റുന്നത് പ്രായോഗികമല്ലെന്ന് മന്ത്രി എം.ബി. രാജേഷ് അഭിപ്രായപ്പെട്ടു. എബി.സി ഷെൽട്ടറിനെതിരെ പോലും പ്രതിഷേധമാണെന്ന് പറഞ്ഞ മന്ത്രി പിന്നെങ്ങനെ തെരുവുനായകളെ മാറ്റാൻ എങ്ങനെ സാധിക്കും എന്ന് ചോദിച്ചു.
സുപ്രീം കോടതി നൽകിയ ഉത്തരവ് നടപ്പാക്കുന്നതോടെ, തെരുവുനായകളെ പൊതു സ്ഥലങ്ങളിൽ നിന്ന് നീക്കാനുള്ള നടപടി കേരളത്തിൽ സ്വീകരിക്കപ്പെടുമെന്നും അദ്ദേഹം പറഞ്ഞു. നായകളെ പാർപ്പിക്കാൻ വേണ്ടി ഷെൽട്ടർ ഹോമുകൾക്ക് ആവശ്യമായ സ്ഥലങ്ങൾ കണ്ടെത്തുന്നത് പ്രയാസകരമായിരിക്കും എന്നും മന്ത്രി കൂട്ടിച്ചേർത്തു.
"കൂടുതൽ ജീവനക്കാരെയും നിയോഗിക്കേണ്ടതാണ്. നിലവിലുള്ള എബി.സി കേന്ദ്രങ്ങളും കേരളത്തിൽ കാര്യക്ഷമമായി പ്രവർത്തിക്കുന്നില്ല," മന്ത്രി പറഞ്ഞു. "ഏറ്റവും ഒടുവിൽ പ്രസിദ്ധപ്പെടുത്തിയ ലൈവ് സ്റ്റോക്ക് കണക്കുകൾ പ്രകാരം, കേരളത്തിൽ 2.80 ലക്ഷത്തിലധികം തെരുവുനായകളുണ്ട്. ഒരു വർഷത്തിനിടെ ആകെ 15,825 നായകളെ വന്ധ്യകരണം ചെയ്തു. ഈ സാമ്പത്തിക വർഷം 9,737 നായകളെ വന്ധ്യകരണം ചെയ്തു. ആകെ 19 എബി.സി കേന്ദ്രങ്ങളാണ് നിലവിൽ പ്രവർത്തിക്കുന്നത്. ഇതിൽ ചിലത് പ്രവർത്തനക്ഷമമല്ല. ആനി‌മൽ ക്യാച്ചർമാരായ 595 പേരാണ് പ്രവർത്തനത്തിൽ ഏർപ്പെട്ടിരിക്കുന്നത്," അദ്ദേഹം വിശദീകരിച്ചു.
പ്രാദേശിക എതിർപ്പുകൾ മൂലം എബി.സി കേന്ദ്രങ്ങൾക്ക് സ്ഥലം കണ്ടെത്താൻ സാധിക്കാതെ വന്നതിനാലാണ് പോർട്ടബിൾ എബി.സി കേന്ദ്രങ്ങൾ ആരംഭിക്കാനുള്ള തീരുമാനം ഉണ്ടായത്. എബി.സി കേന്ദ്രങ്ങൾ പോലെ, നാട്ടുകാരുടെ സമ്മതിയോടെ ഷെൽട്ടർ ഹോമുകൾ എങ്ങനെ തുടങ്ങും എന്ന കാര്യത്തിൽ ആശങ്ക ഉയർന്നിട്ടുണ്ട്.
മന്ത്രിതല യോഗങ്ങൾക്കും ആനി‌മൽ വെൽഫെയർ ബോർഡ് യോഗങ്ങൾക്കും ശേഷമായി, സുപ്രീം കോടതി നിർദ്ദേശം നടപ്പാക്കുന്നതിൽ കേരളം വഴി നടപടികൾ നടപ്പാക്കുമെന്നും മന്ത്രി വ്യക്തമാക്കി.
asdd
