ഇറാനിലെ മഷാദ് വിമാനത്താവളത്തിൽ നിന്നുള്ള അന്താരാഷ്ട്ര സർവീസുകൾ നാളെ മുതൽ പുനരാരംഭിക്കുന്നു
പ്രദീപ് പുറവങ്കര I അന്തർദേശീയം
ടെഹ്റാൻ: ഇറാന്റെ വടക്കുകിഴക്കൻ നഗരമായ മഷാദിലെ അന്താരാഷ്ട്ര വിമാനത്താവളത്തിൽ നിന്നുള്ള വിദേശ സർവീസുകൾ തിങ്കളാഴ്ച മുതൽ പുനരാരംഭിക്കുമെന്ന് സിവിൽ ഏവിയേഷൻ അതോറിറ്റി അറിയിച്ചു. മഷാദ് വിമാനത്താവളം വഴി അന്താരാഷ്ട്ര പാസഞ്ചർ വിമാനങ്ങൾ പ്രവർത്തിപ്പിക്കാനുള്ള അനുമതി നൽകിയതായി ഇറാന്റെ ഔദ്യോഗിക ടെലിവിഷൻ റിപ്പോർട്ട് ചെയ്തു.
തിങ്കളാഴ്ച മുതൽ മഷാദിലേക്കും അവിടെ നിന്നുള്ള വിവിധ വിദേശ രാജ്യങ്ങളിലേക്കുമുള്ള വിമാന ടിക്കറ്റുകൾ യാത്രക്കാർക്ക് ബുക്ക് ചെയ്യാമെന്ന് ഔദ്യോഗിക വാർത്താ ഏജൻസിയായ ഐ.ആർ.എൻ.എ (IRNA) വ്യക്തമാക്കി. യാത്രാ തടസ്സങ്ങളെത്തുടർന്ന് നിർത്തിവെച്ചിരുന്ന സർവീസുകൾ സാധാരണ നിലയിലേക്ക് കൊണ്ടുവരുന്നതിന്റെ ഭാഗമായാണ് ഈ തീരുമാനം.
aa
