രാജമൗലിയുടെ അടുത്ത ചിത്രത്തിൽ തെലുങ്കിലെ പ്രമുഖ നടന്മാർ
ബാഹുബലിക്ക് ശേഷം ബ്രഹ്മാണ്ധ സംവിധായകൻ എസ്.എസ് രാജമൗലി വീണ്ടും മൾ‍ടിസ്റ്റാർ ചിത്രവുമായി എത്തുന്നു . തെലുങ്കിലെ സൂപ്പർ‍സ്റ്റാർ ജൂനിയർ എൻ.ടി.ആറും രാം ചരൺ തേജയുമാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നതെന്ന് രാജമൗലി ട്വിറ്ററിലൂടെ വ്യക്തമാക്കി. ചിത്രം പുറത്തിറക്കുന്നു എന്ന് നേരെത്തെ അറിയിച്ചിരുന്നെങ്കിലും ആരൊക്കെയാണ് പ്രധാന കഥാപാത്രങ്ങളെ അവതരിപ്പിക്കുന്നത് എന്ന് പുറത്ത് വിട്ടിട്ടില്ലായിരുന്നു. താരങ്ങളുടെ പേരുകൾ ഒരു വീഡിയോ മുഖാന്തരമാണ് പുറത്തിറക്കിയിരിക്കുന്നത്. ആർ.ആർ.ആർ എന്നൊരു ഹാഷ് ടാഗിലാണ് വീഡിയോ പുറത്തിറക്കിയിരിക്കുന്നത്. അതേസമയം ചിത്രത്തിന്റെ പേര് ഉൾപ്പെടെയുള്ള മറ്റ് വിവരങ്ങൾ പുറത്തുവിട്ടിട്ടില്ല.
