ഐ.എം വിജയനാകാൻ നിവിൻ പോളി
ഫുട്ബോൾ ഇതിഹാസം ഐ.എം വിജയന്റെ ജീവിതം സിനിമയാകുന്നു. ഇന്ത്യൻ ഫുട്ബോളിലെ കറുത്ത മുത്തായെത്തുന്നത് നിവിൻ പോളിയാണ്. രാമലീലയുടെ സംവിധായകൻ അരുൺ ഗോപിയാണ് വിജയന്റെ ജീവിതം വെള്ളിത്തിരയിൽ ഒരുക്കുന്നതെന്നാണ് അറിയുന്നത്. ചിത്രത്തിന്റെ പൂർണതയ്ക്കായി നിവിൻ പോളി ഫുട്ബോൾ പ്രാക്ടീസ് ചെയ്യുന്ന ചിത്രങ്ങൾ ഇതിനകം സോഷ്യൽ മീഡിയയിൽ വൈറലായിക്കഴിഞ്ഞു.
തൃശ്ശൂർ കോർപ്പറേഷൻ േസ്റ്റഡിയത്തിൽ പത്ത് പൈസയ്ക്ക് സോഡാ വിറ്റ് നടന്ന പയ്യനാണ് പിന്നീട് രാജ്യം അന്നു വരെകണ്ട ഏറ്റവും മികച്ച ഫുട്ബോളർ ആയി വളർന്നത്. ആ കഥയാണ് സിനിമയാകുന്നത്. ഫുട്ബോൾ പ്രേമികളുടെ ആരാധനാ കഥാപാത്രമായിരുന്ന വി.പി സത്യന്റെ ജീവിതകഥ പറയുന്ന, ജയസൂര്യ നായകനായ ക്യാപ്ടൻ പ്രേക്ഷക പ്രീതി നേടി മുന്നേറുന്നതിനിടയിലാണ് മറ്റൊരു സ്പോർട്സ് ബയോ പിക് കൂടി അണിയറയിൽ ഒരുങ്ങുന്നത്. നവാഗതനായ പ്രജേഷ് സെന്നായിരുന്നു വി.പി സത്യന്റെ ജീവിതം ക്യാപ്ടൻ എന്ന പേരിൽ സിനിമയാക്കിയത്.
