ദുൽഖർ സോനം കപൂറിന്റെ നായകനാകുന്നു
ദുൽഖർ സൽമാൻ സോനം കപൂറിന്റെ നായകനാകുന്നതായി റിപ്പോർട്ട്. അനുരാഗ് കശ്യപിന്റെ ചിത്രത്തിലെ നായക വേഷം നഷ്ടപ്പെട്ടതിന് പിന്നാലെയാണ് ദുൽഖർ സോനം കപൂറിന്റെ നായകനാകുന്നതായി റിപ്പോർട്ടുകൾ പുറത്തുവന്നിരിക്കുന്നത്. റോണി സ്‌ക്രൂവാലയുടെ കർ‍വാൻ എന്ന ഇർ‍ഫാൻ ഖാൻ ചിത്രത്തിലൂടെയാണ് ദുൽഖർ ബോളിവുഡിൽ അരങ്ങേറ്റം നടത്തുന്നത്. അനുജാ ചൗഹാന്റെ ദ് സോയാ ഫാക്ടർ എന്ന 2008ലെ നോവൽ അടിസ്ഥാനപ്പെടുത്തി ഒരുക്കുന്ന ചിത്രത്തിന്റെ തിരക്കഥ ദുൽ‍ഖറിന് ഇഷ്ടമായെങ്കിലും ഇതുവരെയായി കരാർ ഒപ്പിട്ടിട്ടില്ലെന്നാണ് അറിയാൻ കഴിയുന്നത്. താൻ ഈ ചിത്രത്തിന്റെ ഭാഗമാണെന്ന കാര്യം സോനം നേരത്തെ തന്നെ സ്ഥിരീകരിച്ചിരുന്നു. അക്ഷയ് കുമാർ നായകനായി എത്തുന്ന പാഡ്മാനാണ് സോനത്തിന്റെ പുറത്തുവരാനുള്ള ചിത്രം.
