ഫ്ലഡ്‌ലിറ്റ് ക്രിക്കറ്റ് ടൂർണമെന്റിന് വെള്ളിയാഴ്ച തുടക്കമാകും
ഇന്ത്യൻ എംബസിയുടെ രക്ഷാകർതൃത്വത്തിൽ സംഘടിപ്പിക്കുന്ന ഐ.എസ്.ബി കമ്യൂണിറ്റി സ്‌പോർട്‌സ് ഫെസ്റ്റ് 2023−ന്റെ ഭാഗമായ ഫ്ലഡ്‌ലിറ്റ് ക്രിക്കറ്റ് ടൂർണമെന്റിന് വെള്ളിയാഴ്ച തുടക്കമാകും. ഇന്ത്യൻ സ്‌കൂൾ ഇസ ടൗൺ ഗ്രൗണ്ടിൽ വൈകീട്ട് 6.30ന് ഇന്ത്യൻ അംബാസഡർ പിയൂഷ് ശ്രീവാസ്തവ ക്രിക്കറ്റ് ടൂർണമെന്റ് ഉദ്ഘാടനം ചെയ്യും. ബഹ്റൈൻ ക്രിക്കറ്റ് ഫെഡറേഷനുമായി സഹകരിച്ചാണ് ഇന്ത്യൻ പ്രവാസികൾക്കായി ക്രിക്കറ്റ് ടൂർണമെന്റ് സംഘടിപ്പിക്കുന്നത്.
ഉദ്ഘാടന ചടങ്ങിനുശേഷം പ്രദർശന മത്സരവും നടക്കും. ബാഡ്മിന്റൺ, ടേബിൾ ടെന്നിസ്, ഫുട്ബാൾ, വോളിബാൾ, വടംവലി, കബഡി, അത്‌ലറ്റിക്‌സ് എന്നിവയും വരും ആഴ്ചകളിൽ നടക്കും. കൂടുതൽ വിവരങ്ങൾക്ക് 38099941 അല്ലെങ്കിൽ 37130494 എന്ന നമ്പറിലാണ് വിളിക്കേണ്ടത്.
dfyfu
