ദേവ്ജി ബി.കെ.എസ്കലോത്സവത്തിന്റെ ഉദ്ഘാടനം എപ്രിൽ പതിനൊന്നിന്ന്
ബഹറൈൻ കേരളീയ സമാജം ദേവ്ജി ബി.കെ.എസ്കലോത്സവത്തിന്റെ ഉദ്ഘാടനം എപ്രിൽ പതിനൊന്ന് ചൊവ്വാഴ്ച വൈകുന്നേരം എഴ് മണിക്ക് സമാജം ഡി.ജെ ഹാളിൽ നടക്കും. ബഹറൈൻ കേരളീയ സമാജം സംഘടിപ്പിക്കുന്ന ദേവ്ജി− ബികെഎസ് −ജിസിസി കലോത്സവത്തിന് മികച്ച പ്രതികരണമാണ് ലഭിച്ചതെന്ന് ബഹറൈൻ കേരളീയ സമാജം കലോത്സവം⊇സംഘാടക സമിതി അറിയിച്ചു.
വ്യക്തിഗത − ഗ്രൂപ്പ് ഇവന്റുകളിലായി ആയിരത്തോളം കുട്ടികൾ നൂറിലധികം മത്സര ഇനങ്ങളിൽ പങ്കെടുക്കാൻ ഇതിനകം രജിസ്റ്റർ ചെയ്തുവെന്നും⊇ കഴിഞ്ഞ ഒരു⊇ മാസക്കാലമായി നടന്നു വരുന്ന രജിസ്ട്രേഷൻ അവസാനിച്ചതായും എപ്രിൽ പതിനൊന്നാം തിയ്യതി മുതൽ മത്സരങ്ങൾ ആരംഭിക്കുമെന്നും സമാജം പ്രസിഡണ്ട് പി.വി.രാധാകൃഷ്ണ പിള്ള, സമാജം ജനറൽ സെക്രട്ടറി വർഗ്ഗീസ് കാരക്കൽ. വൈസ് പ്രസിഡണ്ട് ദേവദാസ് കുന്നത്ത്,കലോത്സവം ജനറൽ കൺവീനർ ബിനു വേലിയിൽ എന്നിവർ അറിയിച്ചു.
കുട്ടികളുടെ കലാഭിരുചികൾ മനസ്സിലാക്കാനും മികച്ച പ്രതിഭകളെ കണ്ടത്താനുമായി നടത്തുന്ന കലോത്സവത്തിൽ പ്രധാന ഇനങ്ങളായ നൃത്ത സംഗീത മത്സരങ്ങൾ ഈദ് അവധി ദിനങ്ങളിലായി പത്തോളം സ്റ്റേജുകളിലായി നടക്കും. വിധികർത്താക്കളായി കേരളത്തിൽ നിന്നടക്കം പ്രമുഖർ എത്തിച്ചേരുന്നതാണ്, മത്സരങ്ങൾ വീക്ഷിക്കാനും കുട്ടികളെ പ്രോത്സാഹിപ്പിക്കാനുമായി⊇ പൊതു ജനങ്ങൾക്കും അവസരമൊരുക്കിട്ടുണ്ട്.
ീബാീബ
