വോയ്‌സ് ഓഫ് ആലപ്പി സിത്ര ഏരിയ കമ്മിറ്റിക്ക് രൂപം നൽകി
ബഹ്റൈനിലെ ആലപ്പുഴ നിവാസികളുടെ കൂട്ടായ്മയായ വോയ്‌സ് ഓഫ് ആലപ്പി സിത്ര ഏരിയ കമ്മിറ്റിക്ക് രൂപം നൽകി. സിത്രയിലെ ഗ്രാൻഡ് ഹോട്ടലിൽ ചേർന്ന യോഗത്തിൽ സെൻട്രൽ കമ്മിറ്റി ജോയിന്റ് സെക്രട്ടറി അശോകൻ താമരക്കുളത്തിന്റെ അധ്യക്ഷതയിൽ ഏരിയ ഭാരവാഹികളെ തെരഞ്ഞെടുത്തു. നൗഷാദ് പല്ലന (പ്രസിഡന്റ്), ജിഷ്ണു ദേവ് (സെക്രട്ടറി), ഷിബു നാസർ (ട്രഷറർ), സന്ദീപ് എസ് (വൈസ് പ്രസിഡന്റ്), യേശുദാസ് കെ ആർ (ജോയിന്റ് സെക്രട്ടറി) എന്നിവരാണ് ഭാരവാഹികൾ. സെൻട്രൽ കമ്മിറ്റി ട്രഷറർ ഗിരീഷ് കുമാർ, ചാരിറ്റി വിംഗ് കൺവീനർ ജോഷി നെടുവേലിൽ എന്നിവർ തെരഞ്ഞെടുപ്പ് നടപടികൾ നിയന്ത്രിച്ചു.
റിഫാ ഏരിയ കമ്മിറ്റി ഭാരവാഹികളായ പ്രസന്നകുമാർ, അനിൽ കുമാർ തമ്പി എന്നിവർ ആശംസകൾ നേർന്നു. എന്റർടൈൻമെന്റ് സെക്രട്ടറി ദീപക് തണൽ സ്വാഗതവും, ഏരിയ ട്രഷറർ ഷിബു നാസർ നന്ദിയും രേഖപ്പെടുത്തി. സിത്ര ഏരിയയിലുള്ള ആലപ്പുഴ ജില്ലക്കാർക്ക് വോയ്‌സ് ഓഫ് ആലപ്പിയിൽ അംഗങ്ങളാകുന്നതിന് 3358 1829 അല്ലെങ്കിൽ 3551 0431 എന്നീ നമ്പറുകളിൽ ബന്ധപ്പെടാവുന്നതാണ്.
a
