മഹാത്മാഗാന്ധിയുടെ ആശയങ്ങൾക്ക് പ്രസക്തി വർദ്ധിച്ചു: ഐ.വൈ.സി.സി
മനാമ: ഐ.വൈ.സി.സി ദേശീയ കമ്മിറ്റിയുടെ നേതൃത്വത്തിൽ ഗാന്ധിജയന്തി ആഘോഷം സംഘടിപ്പിച്ചു, സാമൂഹിക പ്രവർത്തനം ആണ് യഥാർത്ഥ രാഷ്ട്രീയ പ്രവർത്തനം എന്ന് പഠിപ്പിച്ച ഗാന്ധിജിയുടെ പ്രവർത്തന ശൈലി പിന്തുടരുന്ന ഐ.വൈ.സി.സിയുടെ പ്രവർത്തനം ശ്ലാഖനീയം ആണെന്ന് പരിപാടി ഉദ്ഘാടനം ചെയ്തു കൊണ്ട് സാമൂഹിക പ്രവർത്തകയും എഴുത്തു കാരിയുമായ ഷേമിലി പി ജോൺ അഭിപ്രായപ്പെട്ടു.
ഐ.വൈ.സി.സി പ്രസിഡണ്ട് അനസ് റഹീം അദ്ധ്യക്ഷനായ പരിപാടിയിൽ ഐ.ഒ.സി ബഹ്റൈൻ ജനറൽ സെക്രട്ടറിയും സാമൂഹിക പ്രവർത്തകനുമായ ബഷീർ അന്പലായി ആശംസകൾ നേർന്നു. കോവിഡ് നിയന്ത്രണം പാലിച്ചു അൽ ഹിലാൽ ഹോസ്പിറ്റൽ അദ് ലിയയിൽ വെച്ച് നടന്ന പരിപാടിയിൽ ഐ.വൈ.സി.സി ഹെൽപ് ഡെസ്കുമായി ചേർന്ന് ഒരു മാസം നീണ്ട് നിന്ന മെഡിക്കൽ ക്യാന്പിന് അവസരം ഒരുക്കിയ ഹിലാൽ ഹോസ്പിറ്റൽ അദ് ലിയ മാനേജ്മെന്റിനും സ്റ്റാഫിനുമുള്ള ഐ.വൈ.സി.സിയുടെ മൊമെൻറോ കൈമാറി. ചടങ്ങിൽ ബഹ്റൈൻ കോവിഡ് വാക്സിൻ പരീക്ഷണത്തിൽ പങ്കാളികളായ ഐ.വൈ.സി.സി പ്രവർത്തകരെ ആദരിക്കുകയും ചെയ്തു.
ഹെൽപ് ഡസ്ക് കൺവീനർ മണിക്കുട്ടൻ,ഹോസ്പിറ്റലിൽ പ്രതിനിധി ലിജോ എന്നിവർ ആശംസകൾ അർപ്പിച്ചു. ഐ.വൈ.സി.സി ജോയിൻറ് സെക്രട്ടറി സന്തോഷ് സാനി സ്വാഗതവും ട്രഷറർ നിതീഷ് ചന്ദ്രൻ നന്ദിയും അർപ്പിച്ചു.
