കുടുംബ വീടുകൾ മറ്റ് ആവശ്യങ്ങൾക്ക് ഉപയോഗിക്കുന്നതിന് ഒരു വർഷത്തെ വാടക പിഴ ചുമത്തുന്ന ബില്ലിനെ എതിർത്ത് ബഹ്റൈൻ ശൂറ കൗൺസിൽ
പ്രദീപ് പുറവങ്കര
മനാമ: കുടുംബ വീടുകൾ മറ്റ് ആവശ്യങ്ങൾക്ക് ഉപയോഗിക്കുന്നതിന് വീട്ടുടമകൾക്ക് ഒരു വർഷത്തെ വാടക പിഴ ചുമത്തുന്ന ബില്ലിന് ശൂറ സമിതിയുടെ എതിർപ്പ്. കുടുംബ ഭവനങ്ങൾ മറ്റ് ആവശ്യങ്ങൾക്ക് ഉപയോഗിക്കാൻ അനുവദിക്കുന്ന വീട്ടുടമകൾക്ക് ഒരു വർഷത്തെ മുഴുവൻ വാടകയും പിഴയായി ചുമത്താൻ വ്യവസ്ഥ ചെയ്യുന്ന പാർലമെന്ററി ബിൽ ഞായറാഴ്ച നടക്കുന്ന ചർച്ചയ്ക്കും വോട്ടെടുപ്പിനും മുന്നോടിയായി തള്ളിക്കളയപ്പെടുമെന്നാണ് സൂചന. ബിൽ നിരസിക്കാൻ ശൂറ കൗൺസിൽ സമിതി അംഗങ്ങളോട് ആവശ്യപ്പെട്ടു.
ശൂറ കൗൺസിലിന്റെ പബ്ലിക് യൂട്ടിലിറ്റീസ് ആൻഡ് എൻവയോൺമെന്റ് കമ്മിറ്റിയാണ് ബിൽ തള്ളിക്കളയാൻ ആഹ്വാനം ചെയ്തത്. പിഴത്തുക വളരെ കഠിനമാണെന്നും, ഭരണഘടന ലംഘിക്കാൻ സാധ്യതയുണ്ടെന്നും, ഇത് ബഹ്റൈന്റെ പ്രോപ്പർട്ടി മാർക്കറ്റിൽ നിന്ന് നിക്ഷേപകരെ അകറ്റാൻ ഇടയാക്കുമെന്നും സമിതി മുന്നറിയിപ്പ് നൽകി.
എംപിമാർ പാസാക്കിയ ഈ ബിൽ പ്രകാരം, കുടുംബ പാർപ്പിടത്തിനായി ഉദ്ദേശിച്ച വീടുകൾ മറ്റ് ആവശ്യങ്ങൾക്ക് ഉപയോഗിക്കാൻ ബോധപൂർവ്വം അനുവദിക്കുന്ന വീട്ടുടമകളെ ശിക്ഷിക്കാനാണ് ലക്ഷ്യമിടുന്നത്. ലംഘനത്തെക്കുറിച്ച് ഉടമയ്ക്ക് അറിവില്ലെങ്കിൽ പകരം വാടകക്കാരൻ പിഴ ഒടുക്കേണ്ടിവരും. കരാറിൽ പറഞ്ഞിട്ടുള്ള മുഴുവൻ വാർഷിക വാടകയ്ക്കും തുല്യമായ തുക പിഴയായി ഈടാക്കാൻ വ്യവസ്ഥയുണ്ട്. ശൂറ കൗൺസിൽ പബ്ലിക് യൂട്ടിലിറ്റീസ് ആൻഡ് എൻവയോൺമെന്റ് കമ്മിറ്റി മേധാവി ഡോ. മുഹമ്മദ് അലി ഹസ്സൻ ഉൾപ്പെടെയുള്ളവർ ഈ നിലപാടിലാണ്.
dfscdfsdfs


