ഉപഭോക്തൃ ലംഘനം: ബഹ്റൈനിൽ ടൂറിസം ഓഫീസ് അധികൃതർ പൂട്ടി; കർശന നടപടിയുമായി ബി.ടി.ഇ.എ
പ്രദീപ് പുറവങ്കര
മനാമ: ഉപഭോക്താക്കളുമായുള്ള കരാർ വ്യവസ്ഥകൾ ലംഘിച്ചതിനെ തുടർന്ന് ബഹ്റൈനിൽ ഒരു ടൂറിസം ഓഫീസ് അധികൃതർ പൂട്ടിപ്പൂട്ടിപ്പിച്ചു. രാജ്യത്തെ ടൂറിസം മേഖലയിലെ സുതാര്യത ഉറപ്പുവരുത്തുന്നതിനും ഉപഭോക്തൃ സംരക്ഷണ നിയമങ്ങൾ കർശനമാക്കുന്നതിനുമുള്ള നടപടികളുടെ ഭാഗമായാണ് ഈ നടപടി.
പതിവ് പരിശോധനകൾക്കിടയിലാണ് പ്രസ്തുത ഓഫീസ് ഉപഭോക്താക്കൾക്ക് നൽകിയ കരാർ ബാധ്യതകൾ നിറവേറ്റുന്നതിൽ ഗുരുതരമായ വീഴ്ച വരുത്തിയതായി കണ്ടെത്തിയതെന്ന് ബഹ്റൈൻ ടൂറിസം ആൻഡ് എക്സിബിഷൻസ് അതോറിറ്റി (BTEA) വ്യക്തമാക്കി. ടൂറിസം മേഖലയെ കൂടുതൽ വ്യവസ്ഥാപിതമാക്കാനും ഉയർന്ന സേവന നിലവാരം നിലനിർത്താനും ലക്ഷ്യമിട്ടുള്ള നിരന്തരമായ ശ്രമങ്ങളുടെ ഭാഗമായാണ് ഈ നടപടിയെന്ന് ബി.ടി.ഇ.എ കൂട്ടിച്ചേർത്തു. രാജ്യത്തെ എല്ലാ ടൂറിസം ഓഫീസുകളും അംഗീകൃത നിയമങ്ങളും പ്രവർത്തന ആവശ്യകതകളും കർശനമായി പാലിക്കുന്നുണ്ടെന്ന് അതോറിറ്റി ഉറപ്പുവരുത്തുന്നുണ്ട്.
ഉപഭോക്താക്കളുടെ അവകാശങ്ങൾ സംരക്ഷിക്കുന്നതിനും ടൂറിസം ഓഫീസുകളുടെ പ്രവർത്തനങ്ങളിൽ കൂടുതൽ സുതാര്യതയും പ്രൊഫഷണലിസവും കൊണ്ടുവരുന്നതിനുമുള്ള തങ്ങളുടെ പ്രതിജ്ഞാബദ്ധത അതോറിറ്റി ആവർത്തിച്ചു. ഇത്തരം ശക്തമായ നിയന്ത്രണങ്ങളിലൂടെ സേവനങ്ങളുടെ ഗുണനിലവാരവും വിശ്വാസ്യതയും മെച്ചപ്പെടുത്താനും ഉപഭോക്താക്കളുടെ ആത്മവിശ്വാസം വർദ്ധിപ്പിക്കാനും ബഹ്റൈനിലെ ടൂറിസം മേഖലയുടെ സുസ്ഥിരമായ വളർച്ചയ്ക്ക് പിന്തുണ നൽകാനും സാധിക്കുമെന്ന് അധികൃതർ പ്രത്യാശ പ്രകടിപ്പിച്ചു.
ccvv
