എബോള പടരുന്ന പശ്ചാത്തലത്തിൽ പൗരന്മാർക്ക് യാത്രാ മുന്നറിയിപ്പ് നൽകി ബഹ്റൈൻ
പ്രദീപ് പുറവങ്കര
ബഹ്റൈൻ വിദേശകാര്യ മന്ത്രാലയം ഉഗാണ്ടയിലേക്കും കോംഗോ ജനാധിപത്യ റിപ്പബ്ലിക്കിലേക്കുമുള്ള യാത്രകളിൽ ജാഗ്രത പാലിക്കാനും യാത്ര മാറ്റിവെക്കുന്നത് പരിഗണിക്കാനും പൗരന്മാരോട് ആവശ്യപ്പെട്ടിട്ടുണ്ട്. ആ പ്രദേശത്തിന്റെ ചില ഭാഗങ്ങളിൽ എബോള വൈറസ് രോഗത്തിന്റെ സാന്നിധ്യം തുടരുന്നതായി ആരോഗ്യ അധികൃതർ റിപ്പോർട്ട് ചെയ്ത പശ്ചാത്തലത്തിലാണ് ഈ നിർദേശമെന്ന് മന്ത്രാലയം പുറത്തിറക്കിയ പ്രസ്താവനയിൽ പറയുന്നു.
യാത്രകൾ ആസൂത്രണം ചെയ്യുന്നതിന് മുൻപ് പ്രതിരോധ നടപടികൾ സ്വീകരിക്കേണ്ടതിന്റെയും ആരോഗ്യ നിർദേശങ്ങൾ പാലിക്കേണ്ടതിന്റെയും പ്രസക്തമായ അന്താരാഷ്ട്ര ആരോഗ്യ സംഘടനകളിൽ നിന്നുള്ള വിവരങ്ങൾ സൂക്ഷ്മമായി നിരീക്ഷിക്കുന്നതിന്റെയും പ്രാധാന്യം അധികൃതർ ഊന്നിപ്പറഞ്ഞു.
്േു്ിു
