രാജ്യത്തിന്റെ ഐക്യവും സുരക്ഷിതത്വവും കാത്തുസൂക്ഷിക്കാൻ ബഹ്റൈൻ പ്രതിജ്ഞാബദ്ധമെന്ന് ഹമദ് രാജാവ്
പ്രദീപ് പുറവങ്കര l ബഹ്റൈൻ
മനാമ: അൽ സഖീർ കൊട്ടാരത്തിൽ നടന്ന പ്രതിവാര മന്ത്രിസഭാ യോഗത്തിൽ ബഹ്റൈൻ രാജാവ് ഹിസ് മജസ്റ്റി കിംഗ് ഹമദ് ബിൻ ഈസ അൽ ഖലീഫ അധ്യക്ഷത വഹിച്ചു. കിരീടാവകാശിയും പ്രധാനമന്ത്രിയുമായ ഹിസ് റോയൽ ഹൈനസ് പ്രിൻസ് സൽമാൻ ബിൻ ഹമദ് അൽ ഖലീഫയുടെ സാന്നിധ്യത്തിലായിരുന്നു യോഗം. രാജ്യത്തിന്റെ ഐക്യവും സുരക്ഷിതത്വവും തകർക്കുന്ന ഏത് ഭീഷണിക്കുമെതിരെയും, ദേശീയ ഐക്യവും വികസന കുതിപ്പും നിലനിർത്തുന്നതിനായി സ്വീകരിച്ച സമീപകാല നടപടികൾക്ക് വാക്കുകളിലൂടെയും പ്രവൃത്തികളിലൂടെയും തങ്ങളുടെ രാജ്യസ്നേഹവും പിന്തുണയും പ്രകടിപ്പിച്ച എല്ലാവർക്കും ഹിസ് മജസ്റ്റി രാജാവ് അഗാധമായ നന്ദിയും അഭിനന്ദനവും രേഖപ്പെടുത്തി.
ഈ വിലയേറിയ പിന്തുണ നൽകിയ വിവിധ സർക്കാർ സ്ഥാപനങ്ങളിലെ അംഗങ്ങൾ, സാമൂഹിക വ്യക്തിത്വങ്ങൾ, എഴുത്തുകാർ, സാംസ്കാരിക പ്രവർത്തകർ, കവികൾ എന്നിവർക്കും അദ്ദേഹം പ്രത്യേകം നന്ദി അറിയിച്ചു. ബഹ്റൈൻ പൗരന്മാരും കുടുംബങ്ങളും പ്രകടിപ്പിച്ച ആത്മാർത്ഥമായ ഐക്യദാർഢ്യത്തെയും വിശ്വസ്തതയെയും ദേശീയ ഐക്യത്തിന്റെ ശക്തമായ പ്രതിഫലനമെന്ന് വിശേഷിപ്പിച്ചുകൊണ്ട് രാജാവ് പ്രശംസിച്ചു. സ്വന്തം ജനതയോടുള്ള രാജ്യത്തിന്റെ പ്രതിബദ്ധത വീണ്ടും ഉറപ്പിക്കുന്നതിലും മാതൃരാജ്യത്തെ സംരക്ഷിക്കുന്നതിനും ജനങ്ങളെ ഒന്നിപ്പിക്കുന്ന മൂല്യങ്ങൾ കാത്തുസൂക്ഷിക്കുന്നതിനുമുള്ള പ്രതിജ്ഞ പുതുക്കുന്നതിലും താൻ അഭിമാനിക്കുന്നുവെന്ന് ഹിസ് മജസ്റ്റി പറഞ്ഞു.
ബഹ്റൈൻ ജനത ഉയർത്തിപ്പിടിച്ച അചഞ്ചലമായ നിലപാടുകളോട് ബഹുമാനവും കൃതജ്ഞതയും പ്രകടിപ്പിച്ച അദ്ദേഹം, ഈ പിന്തുണ ഭാവിയിലുള്ള ആത്മവിശ്വാസം വർദ്ധിപ്പിക്കുമെന്നും ശുഭാപ്തിവിശ്വാസത്തോടെയും ലക്ഷ്യബോധത്തോടെയും മുന്നോട്ട് പോകാനുള്ള രാജ്യത്തിന്റെ നിശ്ചയദാർഢ്യത്തിന് കരുത്തുപകരുമെന്നും കൂട്ടിച്ചേർത്തു. ഇറാന്റെ ആക്രമണങ്ങളെക്കുറിച്ച് പരാമർശിച്ച രാജാവ്, അന്താരാഷ്ട്ര കൺവെൻഷനുകളും നിയമങ്ങളും അയൽപക്ക സൗഹൃദ തത്വങ്ങളും കാറ്റിൽപ്പറത്തിക്കൊണ്ട് മേഖലയിലെ വികസന ശ്രമങ്ങളെ തകർക്കാനാണ് ഇറാൻ ശ്രമിച്ചതെന്ന് വ്യക്തമാക്കി. അഭൂതപൂർവമായ ഒരു പ്രതിരോധ യുദ്ധത്തിൽ ബഹ്റൈൻ പ്രകടിപ്പിച്ച പ്രതിരോധശേഷിയും ആത്മസംയമനവും പ്രാദേശിക സുസ്ഥിരത ഉറപ്പാക്കുന്നതിനും അന്താരാഷ്ട്ര സമാധാനവും സുരക്ഷയും സമൃദ്ധിയും പിന്തുണയ്ക്കുന്നതിനുമുള്ള രാജ്യത്തിന്റെ ദീർഘകാല പ്രതിബദ്ധതയുടെ പ്രതിഫലനമാണെന്നും ഹിസ് മജസ്റ്റി കൂട്ടിച്ചേർത്തു.
േ്േ്ി
