കൊല്ലം പ്രവാസി അസോസിയേഷന്റെ ഓണാഘോഷങ്ങൾക്ക് തുടക്കമായി
പ്രദീപ് പുറവങ്കര
മനാമl ഈ വർഷത്തെ കൊല്ലം പ്രവാസി അസോസിയേഷൻ ബഹ്റൈന്റെ ഓണാഘോഷങ്ങൾ സൽമാബാദ് ഏരിയയുടെ ഓണാഘോഷത്തോടുകൂടി തുടക്കമായി. കെ പി എ പൊന്നോണം 2025 ആഘോഷങ്ങളുടെ ഭാഗമായി പത്ത് ഏരിയകളിൽ ആയി സംഘടിപ്പിക്കുന്ന ഓണാഘോഷങ്ങളുടെ ഉദ്ഘാടനവും കെ പി എ സൽമാബാദ് ഏരിയ കമ്മറ്റിയുടെ ഓണാഘോഷവുമാണ് ടൂബ്ലിയിൽ വെച്ച് നടന്നത്.
കെ.പി.എ പ്രസിഡന്റ് അനോജ് മാസ്റ്റർ ഉദ്ഘാടനം ചെയ്ത ചടങ്ങിൽ കെ.സി.എ പ്രസിഡന്റ് ജെയിംസ് ജോൺ മുഖ്യാതിഥിയായും സാമൂഹിക പ്രവർത്തകൻ സെയ്ദ് ഹനീഫ വിശിഷ്ടാതിഥിയായും പങ്കെടുത്തു. സൽമാബാദ് ഏരിയ പ്രസിഡന്റ് തുളസിരാമൻ അധ്യക്ഷത വഹിച്ച ചടങ്ങിന് ഏരിയ സെക്രട്ടറി അനൂപ് യു.എസ്. സ്വാഗതം പറഞ്ഞു. കെ.പി.എ ജനറൽ സെക്രട്ടറി പ്രശാന്ത് പ്രബുദ്ധൻ, സ്ഥാപക പ്രസിഡന്റ് നിസാർ കൊല്ലം, വൈസ് പ്രസിഡന്റ് കോയി വിള മുഹമ്മദ് കുഞ്ഞ്, സെക്രട്ടറിമാരായ അനിൽകുമാർ, രജീഷ് പട്ടാഴി, ട്രഷറർ മനോജ് ജമാൽ, ഏരിയ കോർഡിനേറ്റർ ലിനീഷ് പി. ആചാരി, ഏരിയ ട്രഷറർ അബ്ദുൽ സലീം, ഏരിയ ജോയിന്റ് സെക്രട്ടറി സന്തോഷ് കുമാർ എന്നിവർ ആശംസകൾ അറിയിച്ചു.
സൽമാബാദ് ഏരിയ വൈസ് പ്രസിഡന്റ് സുബാഷ് കെ.എസ് ചടങ്ങിന് നന്ദി രേഖപ്പെടുത്തി. വിഭവസമൃദ്ധമായ ഓണസദ്യയോടൊപ്പം, അംഗങ്ങൾ അവതരിപ്പിച്ച കലാ പരിപാടികളും, കുട്ടികളും, കെപിഎ കുടുംബാംഗങ്ങളും പങ്കെടുത്ത വിവിധ ഓണക്കളികളും ആഘോഷങ്ങൾക്ക് മാറ്റുകൂട്ടി.
്ി്േി
