കൊല്ലം പ്രവാസി അസ്സോസിയേഷൻ ഇന്ത്യയുടെ 79ആം സ്വാതന്ത്ര്യ ദിനം സമുചിതമായി ആഘോഷിച്ചു
പ്രദീപ് പുറവങ്കര
മനാമ l ബഹ്റൈനിലെ കൊല്ലം പ്രവാസി അസ്സോസിയേഷൻ ഇന്ത്യയുടെ 79 ആം സ്വാതന്ത്ര്യ ദിനം സമുചിതമായി ആഘോഷിച്ചു. രാവിലെ കെ.പി.എ ആസ്ഥാനത്തു വൈസ് പ്രസിഡന്റ് കോയിവിള മുഹമ്മദ് ദേശീയ പതാക ഉയർത്തി. വൈകുന്നേരം കെ.പി.എ കലാ-സാഹിത്യ വിഭാഗം സൃഷ്ടിയുടെയും, ചിൽഡ്രൻസ് പാർലിമെന്റിന്റെയും നേതൃത്വത്തിൽ കെ.പി.എ ഹാളിൽ വിപുലമായ ആഘോഷവും നടന്നു.
സൃഷ്ടി ജനറൽ കൺവീനർ ജഗത് കൃഷ്ണകുമാർ സ്വാഗതം പറഞ്ഞ ചടങ്ങിൽ കെ . പി . എ ജനറൽ ജനറൽ സെക്രട്ടറി പ്രശാന്ത് പ്രബുദ്ധൻ അധ്യക്ഷ വഹിച്ചു. കെ.പിഎ വൈസ് പ്രസിഡന്റ് കോയിവിള മുഹമ്മദ് ഉദ്ഘാടനം നിർവഹിച്ചു. ഫോർ പി എം ന്യൂസ് എക്സിക്യുട്ടീവ് എഡിറ്റർ പ്രദീപ് പുറവങ്കര മുഖ്യാതിഥിയായി പങ്കെടുത്തു സ്വാതന്ത്ര്യ ദിന സന്ദേശം നൽകി.
കെ.പി.എ. ട്രഷറർ മനോജ് ജമാൽ, സെക്രട്ടറിമാരായ രജീഷ് പട്ടാഴി, അനിൽകുമാർ ചിൽഡ്രൻസ് പാർലമെന്റ് സ്പീക്കർ റെമിഷ പി ലാൽ, കെ.പി.എ സിംഫണി കൺവീനർ സ്മിതീഷ്, ഡാൻസ് കൺവീനർ ബിജു ആർ പിള്ള എന്നിവർ ആശംസകൾ നേർന്നു.
ചിൽഡ്രൻസ് പാർലമെന്റ് കോ - ഓർഡിനേറ്റർ ജോസ് മങ്ങാട് നന്ദി അറിയിച്ചു. കെ.പി.എ സിംഫണി അംഗങ്ങളുടെ ഗാനവിരുന്നും, ചിൽഡ്രൻസ് പാർലമെന്റ്, സൃഷ്ടി കലാകാരൻമാർ അവതരിപ്പിച്ച വിവിധ നൃത്ത നൃത്യങ്ങളും, ദേശഭക്തി ഗാനങ്ങളും, പ്രസംഗങ്ങളും ആഘോഷപരിപാടികൾക്ക് മിഴിവേകി.
dfxd
