പ്രണയത്തിന് "കണ്ണില്ല"; കഴുത്തും.
ശരശയ്യ - നിതിൻ നാങ്ങോത്ത്
പ്രണയത്തിന് മേൽ‍പ്പറഞ്ഞത് രണ്ടുമില്ലേലും വേറെ ഒരുപാടുണ്ട്! ഈ മാരണത്തിന് ജാതിയുണ്ട്, മതമുണ്ട്, ദുരഭിമാനമുണ്ട്, അളിയനുണ്ട്, പോലീസുണ്ട്, മുഖ്യമന്ത്രിയുമുണ്ട്. ധൈര്യമായി പ്രേമിച്ചോളൂ ക്ടാങ്ങളേ... കണ്ണുകൾ പിരാന കൊണ്ടോകും.ഹാപ്പി ഗാന്ധിനഗർ ‘വാലന്‍റൈൻ’ സ്ട്രീറ്റ്...
അളിയനായാൽ ഇങ്ങനെ വേണം. പെങ്ങക്ക് പിഎസ്്സി ടെസ്റ്റ് എഴുതാതെ ‘സർ‍ക്കാർ ബിരിയാണി’ വാങ്ങിച്ചു കൊടുത്തില്ലേ. അളിയനെ കാച്ചിയിട്ടാണേലും വേണ്ടില്ല, പെങ്ങളെ പട്ടിണി ഫുൾ‍ഫിൽ ചെയ്തല്ലോ. അഭിനന്ദനാശ്ലേഷം... കൂട്ടുകാർ‍ക്കുമുണ്ട് കേട്ടാ ഓരോ ഷേക്ക്ഹാന്‍റുംഒരു ഗ്ലാസ് പാലും.പുഴുങ്ങിയ മുട്ട കൊട്ടേഷൻ അഡ്വൈസേഴ്സായ പാരന്‍റ്സിനുളളതാണ്. വിഴുങ്ങിക്കോളൂ. തൊണ്ടയിൽ കുടുങ്ങാതെ ബിതിങ്ങിക്കോളൂ... സാച്ചരകേരളം, ഒന്നാം നന്പർ, ഗോഡ്സ് ഓൺ കണ്‍ട്രീ... തൂ...ഫ് !!.
മരിച്ച ഡെഡ്ബോഡിയുടെ ജാതിക്കോളവും കൊന്ന ഫുൾ‍ബോഡികളുടെ പാർ‍ട്ടിക്കോളവും പൂരിപ്പിക്കാനുളള ഞമ്മള നാട്ടാരുടെ ശുഷ്ക്കാന്തി ബലേ ഭേഷ്. മരിച്ച കെവിൻ ഔട്ട് കംപ്ലീറ്റ്ലി! തലപ്പിരാന്തായതും പഴികേട്ടതും ഡിവൈഎഫ്ഐ. കൊന്നത് പോലീസ്. കൊല്ലിച്ചത് മുഖ്യമന്ത്രി. എന്താപ്പാ ഈ നാട് ഈയിടെയായി ഇങ്ങനെ. ചെയ്തുപോയ ജാഗ്രതക്കുറവിന് സസ്പെന്‍ഷൻ കിട്ടിബോധിച്ചാൽ ഇവിടെ പോലീസ് േസ്റ്റഷൻ കാലിയാവുമേ. പിന്നെ മുഖ്യമന്ത്രിക്ക് എസ്ക്കോർ‍ട്ടും വടക്കോട്ടും പോകാൻ അങ്ങ് മിസോറാമീന്നോ തെലുങ്കുദേശത്തൂന്നോ പിസ്റ്റൾ‍പോലീസിനെ ബായ്പ എടുക്കേണ്ടി വരും. ഒരു മിസ്കോൾ മതി, ഉമ്മനും കുമ്മനവും കർ‍ത്തവ്യാനിരതരാവും. കേരളം കുട്ടിച്ചോറാവും.
ഇനിയെന്ത് ആകാനിരിക്കുന്നു. മങ്ങലസാരി കൂട്ടി തീയിട്ട് അച്ഛൻ മകളെ കുത്തിക്കൊല്ലുന്നു, -പ്രണയപ്പക!! മോനെ കിട്ടാഞ്ഞ് ഗുണ്ടകൾ അച്ഛനെ വീട്ടീക്കേറി വെട്ടിക്കൊല്ലുന്നു-, മുറുക്കാൻ പക!! മുറുക്കാൻ കടയിൽ ചുണ്ണാന്പ് മേത്ത് തെറിച്ചുപോയതാണ് മുറുക്കാൻ പക. കണ്ടിച്ചു കളഞ്ഞു, അടക്കകണ്ടിക്കും പോലെ ഒരുമനുഷ്യ ജീവനെ. പോലീസിന്‍റെ ധീരകൃത്യങ്ങൾ‍ക്കാണ് പൊൻ‍തൂവലുകൾ. പൂസായി കസ്റ്റഡിയിൽ എടുക്കപ്പെട്ട ആൾ കോട്ടയം മെഡിക്കൽ കോളേജിൽ ഡിം!! കള്ളനെന്ന പട്ടം കിട്ടിയ കാളിമുത്തു കസ്റ്റഡിയിൽ ശൂ!! കാഞ്ഞങ്ങാട് ഓട്ടോഡ്രൈവർ കസ്റ്റഡിയിൽ ഡിം ഡിം!! പാവം വിനായകൻ പോലീസുകാരെ ബുദ്ധിമുട്ടിച്ചില്ല. സ്വയംകൃതനാർ‍ത്ഥം. ലാത്വിയൻ യുവതിയുടെ ജീർ‍ണ്ണജഡം കുറ്റിക്കാട്ടിൽ. മിസ്സിങ് പരാതി കിട്ടി കാടടച്ച് അരിച്ചുപെറുക്കിയിട്ടാണ് നമ്മുടെ പോലീസിന് കരിഞ്ഞതാണെങ്കിലും ലേശം ചിതാഭസ്മം കിട്ടിയത്.വാരാപ്പുഴയിലെ ആൾ‍മാറാട്ടചോരപ്പുഴ. ശ്രീജിത്തിന്‍റെ വയറിങ് മുഴുവൻ അൽ‍കുൽ‍ത്തായിപ്പോയിരുന്നുവെന്ന് പോസ്റ്റ്മോർ‍ട്ടം റിപ്പോർ‍ട്ട്. എസ്ഐക്ക് ഇന്നലെ ജാമ്യസൗകുമാര്യം ലഭിച്ചു. അങ്ങനെ കുഴഞ്ഞു വീഴലും കൂന്പിനിടിയുമായി എത്രയെത്ര? ഗവർ‍ണർ പോകുന്ന വഴിയിലും ഡ്യൂട്ടിപോലീസ് കാഴ്ചക്കാരന്‍റെ മൂക്കിന്‍റെ പാലം അളന്നിരുന്നു. ഒരു മാസം സുഖചികിത്സ തേടിയിട്ടാണ് ഉനൈസെന്നൊരാൾ മുഖ്യമന്ത്രിമണ്ധലത്തിൽ ക്വിറ്റ് ചെയ്തത്. ഇതിലും വലിയത് എന്തൊക്കെയോ വരാനുണ്ടെന്നൊരു തോന്നൽ. എന്‍റെ നിപാവൈറസ് മുത്തപ്പാ, കശ്മലമാനുഷരെ അറിഞ്ഞങ്ങ് പ്രണയിച്ചേക്കണമേ... അതിൽ ദളിതെന്നോ, ഓർ‍ത്തഡോക്സെന്നോ, ന്യൂനപക്ഷമെന്നോ സവർ‍ണ്ണകക്ഷമെന്നോ ഉളള പക്ഷഭേദം മാണ്ട.പേരാന്പ്രയിൽ നിന്നുളളവരെ ഇപ്പോ വണ്ടീപ്പോലും കേറ്റുന്നില്ലെന്ന് പാണനാർ. കേരളം വളരുന്നു. ഇന്ത്യ തിളങ്ങുന്നു. എല്ലാം ശരിയായ ദിശയിലേയ്ക്ക്. കൈയടിക്കെടാ കേരളമക്കളേ... ആയതിനാൽ ആ ഏഭ്യന്തരവകുപ്പ് സോഷ്യൽ മീഡിയയെ ഏൽ‍പ്പിക്കാൻ കരുണയുണ്ടാവണം. അവർ കാണാമറയത്തിരുന്ന് ഓപ്പറേഷൻ നടത്തിക്കോളും. കുടിവെളളത്തിലും രാഷ്ട്രീയം മിക്സ് ചെയ്യുന്ന ഈ പുതിയ കൾ‍ച്ചർ കേരളത്തിന്‍റെ വയറിളക്കും. പനിക്കാലമല്ലേ..മഴയല്ലേ അനുഭവിക്കുക തന്നെ. തട്ടിക്കൊണ്ടുപോയ വണ്ടിയുടെ ബേക്കിലത്തെ ടയറിന് കാറ്റടിച്ചത് സുഡാപ്പിക്കാരനാണു പോലും. അപ്പോ എല്ലാർ‍ക്കും തുല്യപങ്കുണ്ട് ഈ ധീരകൃത്യത്തിന്. നന്നായി കലക്കി അത് വോട്ടായോ എന്ന് സംഘി ടീം പരിശോധിക്കുണ്ട്. കേബിൾ വയറുകൾ മുക്കിന് മുക്കിന് കണ്ടിക്കപ്പെട്ടതിനാൽ ലേറ്റസ്റ്റ് ന്യൂസ് കണ്ടിക്കോളമേ എത്തിയുള്ളൂ. എന്നാലും സ്മരണകളിരന്പുന്ന ചെങ്ങന്നൂരുകാർ കൈവിടുമോ എന്ന് കൊണ്ടറിയാം.
കുലജാതനായ ഒരാളുടെ പോസ്റ്റുകണ്ടു. തറവാട്ടീക്കേറി രക്തത്തെ അശുദ്ധമാക്കാൻ ഒരുന്പെട്ടാൽ ഏതവനെയും തണ്ടെല്ലുളള ആങ്കുട്ട്യോൾ... അത് മനസ്സിലാവണമെങ്കിൽ നല്ല തറവാട്ടീ പിറക്കണമെന്ന്. ദളിതന്‍റെ രക്തം ഓർ‍ത്തഡോക്സ് ഞരന്പിലൂടൊഴുകിയാൽ കുലം കുത്തിപ്പോവുമെന്നു പറയുന്ന ജാതിക്കുമ്മാ... നീയൊക്കെ ഏതേലും പാണ്ടിലോറീടെ അടിയിൽ കുരുങ്ങി തെക്കോട്ടും നോക്കി കിടക്കുന്പോൾ ചോരചോദിച്ച് ഇങ്ങോട്ടുവാ എന്ന ഫ്രീതിങ്കൻ മറുപടിയും ഞെട്ടിച്ചു കളഞ്ഞു. കല്യാണത്തലേന്ന് ‘നവവധു’ മതിലുചാടിയതിൽ മനംനൊന്ത വരൻ സന്തോഷം പോസ്റ്റ് ചെയ്തത് ‘നീ പോയാൽ ഗ്രാസാടീ*’ എന്ന് കേക്കേൽ എഴുതി കൂട്ടുകാർ സമക്ഷം മുറിച്ചാണ്. എത്ര മനോഹരമായ മാജിക്കൽ റിയലിസക്കാലം. വടിവാളുകൊണ്ട് ബർ‍ത്തഡേ കേക്ക് മുറിക്കുന്നതിന്‍റെ ആഹ്ലാദവും കണ്ടിരുന്നു. മുറിച്ചയാൾ പിന്നീടൊരു കൊലക്കേസിൽ അകത്തായെന്ന് സൈബർ ഇന്‍റലിജെൻ‍സുകാർ!! എന്തരോ എന്തോ ? അവർ‍ക്കാണോ ലൂസ്, അതോ ഇതൊക്കെ ചർ‍ച്ചിച്ച് സമയം കളയുന്ന നമ്മൾ‍ക്കോ പിരി ലൂസ്.
ബഹുമാനപ്പെട്ട ഭരണകൂടമേ ഇത്രയൊക്കെ ശരിയായ സ്ഥിതിക്ക് പ്രാർ‍ത്ഥനാഗാനത്തെപ്പറ്റി ഒരു ബേജാറ് വേണ്ടാ. ചരമശുശ്രൂഷാഗീതത്തെപ്പറ്റി പുനർ‍വിചിന്തനം മസ്റ്റ്. അക്കാദമിക്കാർ എഴുതിപ്പാടി പെൻ‍ഡ്രൈവിലാക്കിത്തരും. സിനിമ കഴിഞ്ഞാൽ ‘ദ എന്‍റി’ന്‍റെ കൂടെ എഴുന്നേറ്റുനിന്ന് കൊട്ടകയിൽ കണ്ണീർ വാർ‍ക്കാവുന്നതേയുളളൂ. ഇതു നിന്‍റെ എന്‍റെയും ചരമശുശ്രൂഷയ്ക്കായ് ഹൃദയത്തിൽ ‘അന്നേ’ കുറിച്ചഗാനം... പ്രണയത്തിലേക്ക് വീണുപോയവർ‍ക്കുളള ബോധവൽ‍ക്കരണ മാമാങ്കങ്ങൾ ഇവന്‍റ്മാനേജ്മെന്‍റ് മേളയായി സംഘടിപ്പിക്കുക. പ്രശ്നബാധിത ജോടിക്ക് ഫുൾ പ്രൊട്ടക്ഷൻ വിത്ത് വടിവാൾ കം സ്റ്റീൽ‍ബോംബ് സുരക്ഷ ഏർ‍പ്പാടാക്കുക. ഒരു വീട് ഒരു വിധവ സ്നേഹസാന്ത്വനസ്പർ‍ശന കൈവല്യ സ്ക്കീമുകൾ വിശാലാടിസ്ഥാനത്തിൽ ആലോചിക്കാവുന്നതേയുളളൂ. മന്ത്രി പര്യടനവേളകളിൽ പരാതിപരിഹാര സെൽ പ്രവർ‍ത്തിക്കുന്നതല്ലെന്ന ബോർ‍ഡ് വെയ്ക്കണം അധികാര വർ‍ഗ്ഗമേ... കാക്കിയിലും കറുപ്പിലുമേ ഉണ്ടായിരുന്നുളളൂ ഒരു പ്രതീക്ഷ. ഇപ്പം അതും ധിം തരികിട തോം. വെളള!! അത് പണ്ടേ പറയിപ്പിച്ചതാണല്ലോ പൂർ‍വ്വസൂരികൾ. അതുകൊണ്ട് പൊന്നു റോമിയോ ജൂലിയറ്റ് കൂടപ്പിറപ്പുങ്ങളേ നോക്കീം കണ്ടൊക്കെ ഈ ഏർ‍പ്പാടിലേർ‍പ്പെടുക. തനിക്കു താനേ തുണ...
ഒടുവിൽ മുഖ്യന് ഒരു വാട്സാപ്പന്‍റെ അപേക്ഷ. സർ എന്‍റെ വൈഫിന് സർ‍ക്കാർ ജോലി ആവശ്യമില്ല.ദയവുചെയ്ത് സാറിന്‍റെ പദ്ധതിയിൽ പെടുത്തരുത്. ഒപ്പ്. പേര് പ്രജ!! പ്രജാപതി നഗ്നനല്ലെന്ന് തെളിയിക്കാനുളള അസുലഭ അവസരമാണ് കൈവന്നിരിക്കുന്നത്. ചാർ‍ജ്ജ്... ബദരീങ്ങളേ എന്നെ മാത്രം കാപ്പാത്തണേ... മുഖ്യന്‍റെ ധാർ‍ഷ്ട്യം ഞങ്ങൾ പുല്ലുപോലെ കാണുന്നെന്ന സ്മൃതീപീരങ്കി ഇരട്ടച്ചങ്കു തകർ‍ക്കുമാറുളളതായിരുന്നു. വിനു വി ജോണിന്‍റെ പോസ്റ്റുമോർ‍ട്ടവും നെഞ്ചേ പിളർ‍ക്കുന്നതായിരുന്നു... ഒരു നാടുമുഴുവൻ‍കാത്തിരിക്കുന്നു. അങ്ങയുടെ ആർ‍ജ്ജവമുളള അഡ്മിനിസ്ട്രഷന്... ഉണരൂ... നേതാവേ.. ഉണരൂ. മിന്നൽ‘പ്പിണറായി’ !!!
