ഷാര്ജ ഭരണാധികാരിയുടെ മകന് അന്തരിച്ചു
ഷാര്ജ: ഷാര്ജ ഭരണാധികാരി ശൈഖ് സുല്ത്താന് ബിന് മുഹമ്മദ് അല് ഖാസിമിയുടെ മകന് ശൈഖ് ഖാലിദ് ബിന് സുല്ത്താന് ബിന് മുഹമ്മദ് അല് ഖാസിമി (39) ലണ്ടനില് അന്തരിച്ചു. ഇതേ തുടര്ന്ന് ഷാര്ജയില് മൂന്ന് ദിവസത്തെ ദഃഖാചരണം പ്രഖ്യാപിച്ചു. ലണ്ടനില് വെച്ച് ജൂലായ് ഒന്നിന് തിങ്കളാഴ്ചയായിരുന്നു മരണം എന്ന് റൂളേര്സ് കോര്ട്ട് പുറപ്പെടുവിച്ച അറിയിപ്പില് പറയുന്നു. ഷാര്ജ അര്ബന് പ്ലാനിങ് കൗണ്സില് ചെയര്മാനാനായിരുന്നു. ഭൗതിക ശരീരം യുഎയിലേക്കെത്തിക്കുന്നതിന്റേയും ഖബറടക്കത്തിന്റേയും തിയതി പിന്നീട് അറിയിക്കുമെന്ന് അധികൃതര് അറിയിച്ചു.
