തൊഴിലാളികൾക്ക് ഭവന പദ്ധതിയുമായി ദുബൈ മുനിസിപ്പാലിറ്റി
ദുബൈ : 4000 തൊഴിലാളികൾക്ക് ദുബൈ മുനിസിപ്പാലിറ്റിയുടെ കീഴിൽ പുതിയ വീടൊരുങ്ങുന്നു. അന്താരാഷ്ട്ര മാനദണ്ധങ്ങൾ പാലിച്ച് ദുബൈ അൽ വർസാനിൽ നിർമ്മിക്കുന്ന പുതിയ പാർപ്പിട പദ്ധതിയിലേക്ക് ഈ വർഷം തന്നെ 4000 തൊഴിലാളികളെ മാറ്റി പാർപ്പിക്കും.
അന്തരാഷ്ട്ര തൊഴിലാളി ദിനത്തോടനുബന്ധിച്ച് നടത്തിയ പരിപാടിയിൽ ദുബൈ മുനിസിപ്പാലിറ്റി ഡയറക്ടർ ജനറൽ ദാവൂദ് അൽ ഹജിരിയാണ് ഇക്കാര്യം പ്രഖ്യാപിച്ചത്. വിവിധ മേഖലകളിൽ മികവ് പുലർത്തിയ തൊഴിലാളികളെ ചടങ്ങിൽ വെച്ച് ആദരിച്ചു.
