ഒമാനില് കൊവിഡ് വാക്സിനേഷന് തുടക്കം; ആദ്യ ഡോസ് സ്വീകരിച്ച് ആരോഗ്യ മന്ത്രി
മസ്കറ്റ്: കൊവിഡ് 19 വാക്സിനേഷന് ഒമാനില് തുടക്കമായി. ഗുരുതര രോഗബാധിതരും മുതിര്ന്നവരും രോഗപ്രതിരോധ ശേഷിയില്ലാത്തവരുമടക്കം മുന്ഗണനാ പട്ടികയില് ഉള്ളവര്ക്കായായാണ് ആദ്യഘട്ടത്തില് വാക്സിനേഷൻ നല്കുക. ഇന്ന് രാവിലെ അല്-സീബ് സ്പെഷ്യലിസ്റ്റ് കോംപ്ലക്സില് നടന്ന പ്രാരംഭ വാക്സിനേഷൻ പ്രചാരണ വേളയില് മന്ത്രി ഡോ. അഹമ്മദ് അല് സൈഡീ ആദ്യ ഡോസ് സ്വീകരിക്കുകയുണ്ടായി. മസ്കത്ത് ഗവര്ണറേറ്റിൽ മൂന്നിടങ്ങളിലാണ് വാക്സിനേഷൻ. സീബ്, ബോഷര്, ഖുറിയാത്ത് എന്നിവിടങ്ങളിലെ സ്പെഷലൈസ്ഡ് പോളിക്ലിനിക്കുകളാണ് പ്രാരംഭ ഘട്ടത്തിലെ വാക്സിനേഷൻ കേന്ദ്രങ്ങള്.
