അസമില് ബി.ജെ.പി സ്ഥാനാര്ഥിയുടെ കാറില് വോട്ടിങ് യന്ത്രം; ജനങ്ങള് വാഹനം തടഞ്ഞു
അസാമിലെ രണ്ടാംഘട്ട വോട്ടെടുപ്പില് ബിജെപി അട്ടിമറി നടത്തിയെന്ന ആരോപണവുമായി കോണ്ഗ്രസ്. പത്താര്കണ്ഡി മണ്ഡലത്തിലെ ബിജെപി സ്ഥാനാര്ത്ഥി കൃഷ്ണേന്ദു പോളിന്റെ കാറില് നിന്നും ഇന്നലെ രാത്രിയാണ് ഇവിഎമ്മുകള് കണ്ടെത്തിയത്. കൃത്രിമത്തിലൂടെ മാത്രമേ ബിജെപിക്കു ജയിക്കാനാകൂ എന്ന് മനസിലാക്കിയാണ് ഈ നീക്കങ്ങള് എന്ന് കോണ്ഗ്രസ് നേതാവ് ഗൗരവ് ഗൊഗോയ് ആരോപിച്ചു. ഇന്നലെ രാത്രിയാണ് ബിജെപി സ്ഥാനാര്ത്ഥിയുടെ കാറില് നിന്ന് ഇവിഎം മെഷീനുകള് കണ്ടെത്തിയത്. നാട്ടുകാരാണ് കാര് തടഞ്ഞുനിര്ത്തി കാറിന്റെ ഡിക്കിയില് നിന്ന് ഇവിഎം മെഷീനുകള് കണ്ടെത്തിയത്. നാട്ടുകാര് ഇതിന്റെ ദൃശ്യങ്ങള് പുറത്തുവിട്ടിട്ടുണ്ട്.
അട്ടിമറിയിലൂടെ മാത്രമേ ബിജെപിക്ക് അസമില് അധികാരത്തില് എത്താനാകൂ എന്ന് കരുതുന്നതിനാലാണ് ഇവിഎമ്മില് കൃത്രിമത്വം കാണിക്കുന്നതെന്നാണ് കോണ്ഗ്രസിന്റെ ആരോപണം. സംഭവത്തില് തെരഞ്ഞെടുപ്പ് കമ്മീഷന് പരാതി നല്കാനാണ് കോണ്ഗ്രസിന്റെ തീരുമാനം.
