തിരുവനന്തപുരം− ദോഹ സെക്ടറിൽ ഡ്രീംലൈനർ വിമാന സർവീസ് ആരംഭിച്ച് ഖത്തർ എയർവേസ്
ഖത്തർ എയർവേസ് തിരുവനന്തപുരം− ദോഹ സെക്ടറിൽ ഡ്രീംലൈനർ വിമാന സർവീസ് തുടങ്ങി. നിലവിൽ സർവീസ് നടത്തുന്ന എ 320 വിമാനത്തിനു പകരമാണ് ആഴ്‌ചയിൽ രണ്ട് ദിവസം ബി 787 സീരീസിലുള്ള ഡ്രീംലൈനെർ സർവീസ് നടത്തുക. ഡ്രീംലൈനിന്റെ വരവോടെ സീറ്റുകളുടെ എണ്ണം എ 320നെ അപേക്ഷിച്ച് 160ൽ നിന്ന് 254 ആയി വർധിക്കും. ബിസിനസ്‌ ക്ലാസിൽ മാത്രം 22 സീറ്റുകൾ ഉണ്ടാകും.
ആദ്യഘട്ടത്തിൽ വെള്ളി, ഞായർ ദിവസങ്ങളിൽ ആണ് ഡ്രീംലൈനർ സർവീസ് നടത്തുക. മറ്റു അഞ്ച് ദിവസങ്ങളിൽ എ 320 സർവീസ് തുടരും. ഇന്ന് പുലർച്ചെ രണ്ടു മണിക്ക് എത്തിയ ആദ്യ ഡ്രീംലൈനർ വിമാനത്തെ വിമാനത്താവളത്തിൽ വാട്ടർ സല്യൂട്ട് നൽകി വരവേറ്റു. ഡ്രീംലൈനിന്റെ വരവോടെ ഗൾഫിലേക്കും യൂറോപ്പ്, യു.എസ് ഉൾപ്പെടെയുള്ള മേഖലകളിലേക്കും തിരുവനന്തപുരത്തു നിന്ന് കൂടുതൽ യാത്ര സൗകര്യം ഒരുങ്ങും.
dftgdrgdf
