പോക്സോ കേസിൽ റിമാൻഡിലായിരുന്നയാൾ കോവിഡ് നിരീക്ഷണകേന്ദ്രത്തിൽ ജീവനൊടുക്കി
കാസർഗോഡ്: കോവിഡ് നിരീക്ഷണകേന്ദ്രത്തിൽ റിമാൻഡ് പ്രതി ജീവനൊടുക്കി. പോക്സോ കേസിൽ റിമാൻഡിലായിരുന്ന മാലോം സ്വദേശി ഷൈജു ദാമോദരൻ (40) ആണ് ജീവനൊടുക്കിയത്. പൂടംകല്ല് താലൂക്ക് ആശുപത്രിയിലായിരുന്നു ഇയാൾ കോവിഡ് നിരീക്ഷണത്തിൽ കഴിഞ്ഞിരുന്നത്. ശുചിമുറിയിൽ തൂങ്ങിമരിക്കുകയായിരുന്നു. ഇയാളുടെ കോവിഡ് പരിശോധനാ ഫലം നെഗറ്റീവായിരുന്നു.
