അറുപതാമത് സംസ്ഥാന സ്കൂള് കലോത്സവത്തിന് കൊടിയേറി
കാസര്ഗോഡ്: അറുപതാമത് സംസ്ഥാന സ്കൂള് കലോത്സവത്തിന് കൊടിയേറി. പൊതുവിദ്യാഭ്യാസ ഡയറക്ടര് കെ.ജീവൻബാബു പതാകയുയര്ത്തിയത്. റവന്യൂമന്ത്രി ഇ.ചന്ദ്രശേഖരന്, രാജ് മോഹന് ഉണ്ണിത്താന് എം.പി എന്നിവര് സന്നിഹിതരായിരുന്നു. ഇനി നാല് ദിനം കൗമാര താരങ്ങളുടെ കലാപ്രകടനങ്ങള്ക്കാണ് സംസ്ഥാനം സാക്ഷ്യം വഹിക്കുക. മോഹിനിയാട്ടവും കോൽകളിയും ഉൾപ്പടെയുള്ള ജനപ്രിയ ഇനങ്ങളാണ് ആദ്യം ദിനം കാണികളെ കാത്തിരിക്കുന്നത്.
ഒന്പത് മണിക്ക് മഹാകവി പി.കുഞ്ഞിരാമൻ നായരുടെ പേരിലുളള മുഖ്യ വേദിയിലാണ് ഉദ്ഘാദന ചടങ്ങ്. 28 വര്ഷത്തിനു ശേഷമെത്തുന്ന കലോത്സവത്തെ വരവേല്ക്കാൻ കാസര്ഗോഡ് എല്ലാ അര്ത്ഥത്തിലും സജ്ജമായിട്ടുണ്ട്. 28 വേദികളിലായാണ് കലാമേള അരങ്ങേറുക. 239 മത്സരയിനങ്ങളിലായി 13000 മത്സരാര്ത്ഥികളാണ് വിസ്മയം തീര്ക്കാനെത്തുന്നത്. കോല്കളി, മോഹനിയാട്ടം, സംഘനൃത്തം കുച്ചുപുടി, ചവിട്ടുനാടകം, തുടങ്ങിയവാണ് ഇന്നത്തെ പ്രധാന മത്സരയിനങ്ങള്.
വിവിധ ജില്ലകളില് നിന്നായുളള മത്സരാര്ത്ഥികള് കാഞ്ഞങ്ങാടിന്റെ മണ്ണില് ആവേശം വിതറായാനെത്തിയിട്ടുണ്ട്. പഴയിടം മോഹനൻ നമ്പൂതിരിയുടെ 60 അംഗ സംഘം നയിക്കുന്ന ഊട്ടുപുരയും സജ്ജമായിട്ടുണ്ട്. ഒരേ സമയം 3000 പേര്ക്ക് കഴിക്കാനാകുന്ന തരത്തില് 25000 പേര്ക്കുളള ഭക്ഷണം ദിവസവും ഒരുക്കും.
