യുവാവ് കഴുത്തറുത്ത് ആത്മഹത്യ ചെയ്തു
കാസർഗോഡ്: ദേശീയപാതയോരത്ത് കർണാടക സ്വദേശിയായ യുവാവ് കഴുത്തറുത്ത് ആത്മഹത്യചെയ്തു. ചിക്കമംഗലൂരു സ്വദേശി ഹരിഷ നായിക്കാണ് കഴുത്ത് മുറിച്ച് ആത്മഹത്യ ചെയ്തത്. നായന്മാർമൂലയിൽ പാതയോരത്ത് കരിന്പ് ജൂസ് വിൽ‍പ്പന നടത്തിവരുന്ന ഉത്തർ‍പ്രദേശ് രാംപൂർ സ്വദേശിയുടെ കയ്യിൽ നിന്നു വാങ്ങിയ കത്തിയുപയോഗിച്ചാണു യുവാവ് സ്വയം കഴുത്തറുത്തത്. ആത്മഹത്യയുടെ കാരണം വ്യക്തമല്ല. ഇൻക്വസ്റ്റ് പൂർത്തിയാക്കി മൃതദേഹം പോസ്റ്റുമോർട്ടത്തിനായി ജനറൽ ആശുപത്രിയിലേയ്ക്ക് മാറ്റി.
അതേസമയം, സംഭവം കണ്ടുനിന്ന കരിന്പ് വ്യാപാരി ബോധരഹിതനായി വീണു. ഭയാനക കാഴ്ച അവരും വന്ന് കണ്ടെങ്കിലും അവർ‍ക്കും ആളെ മനസ്സിലായില്ല. ഉടൻ പോലീസിൽ വിവരമറിയിച്ചു. ഡിവൈ.എസ്.പി എം.പി സുകുമാരനും എസ്.ഐ. കെ.പി വിനോദ്കുമാറും എത്തി. അപ്പോഴേക്കും യുവാവിന്റെ അനക്കം നിലച്ചിരുന്നു. ദേഹം പരിശോധിച്ച ഡിവൈ.എസ്.പി. ജീന്‍സിന്റെ പോക്കറ്റിൽ പഴ്‌സ് കണ്ടെത്തി. അതിൽ ഫോട്ടോയും തിരഞ്ഞെടുപ്പ് തിരിച്ചറിയൽ‍കാർ‍ഡും പാന്‍കാർ‍ഡും കർ‍ണാടകയിലെ കടയിൽ‍നിന്ന് സാധനം വാങ്ങിയ ബില്ലും കണ്ടെത്തി. അതിൽ‍നിന്നാണ് മരിച്ചത് ചിക്കമഗളൂർ സ്വദേശി ഹരീഷ് നായക് ആണെന്ന് മനസ്സിലായത്.
