കുട്ടനാടൻ ബ്ലോഗിൽ വിനീത് ശ്രീനിവാസനും
തിരക്കഥാകൃത്ത് സേതു ആദ്യമായി സംവിധായകനാകുന്ന മമ്മൂട്ടിച്ചിത്രമായ ഒരു കുട്ടനാടൻ ബ്ലോഗിൽ വിനീത് ശ്രീനിവാസൻ അതിഥി താരമായി എത്തും. സിനിമയുടെ ചിത്രീകരണം ഇപ്പോൾ ആലപ്പുഴയിൽ പുരോഗമിക്കുകയാണ്. ലണ്ടനിലും ചിത്രീകരണമുണ്ട്. ഈ ഷെഡ്യൂളിലാണ് വിനീത് ശ്രീനിവാസൻ ജോയിൻ ചെയ്യുന്നത്. ജേക്കബ് ഗ്രിഗറി, സഞ്ജു ശിവറാം, ആദിൽ ഇബ്രാഹിം തുടങ്ങിയ യുവതാരങ്ങളും ചിത്രത്തിൽ അണിനിരക്കുന്നുണ്ട്. യുവതലമുറയുടെ ചങ്ങാതിയായ ഹരിയേട്ടനെന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. ലക്ഷ്മി റായിയും അനുസിതാരയും ഷംനാകാസിമുമാണ് ഒരു കുട്ടനാടൻ ബ്ലോഗിലെ നായികമാർ. അനന്താ വിഷന്റെ ബാനറിൽ പി.കെ. മുരളീധരനും ശാന്താമുരളിയും ചേർന്ന് നിർമ്മിക്കുന്ന ചിത്രത്തിന്റെ സഹസംവിധായകൻ ഉണ്ണിമുകുന്ദനാണ്.
