ലോക നാടക ദിനം ആചരിച്ച് പ്രതിഭ നാടക വേദി
ലോക നാടക ദിനത്തോടനുബന്ധിച്ച് പ്രതിഭ നാടക വേദി രണ്ട് നാടകങ്ങളുടെ അവതരണവും, നാടക പ്രവർത്തകൻ ബേബിക്കുട്ടൻ തൂലിക "അരങ്ങും ഞാനും "എന്ന വിഷയത്തിൽ പ്രഭാഷണവും നടത്തി. നടൻ ഇന്നസെന്റിന്റെയും നാടക നടനും സംവിധായകനും ആയ വിക്രമന്‍ നായരുടെയും വേർപാടിൽ രാജേഷ് അട്ടാച്ചേരി അനുശോചന പ്രമേയം അവതരിപ്പിച്ചു. നാടക പ്രതിഭ ബേബികുട്ടൻ തൂലിക നാടക ജീവിതത്തിലെ ഓർമ്മകൾ പങ്ക് വെച്ചു.
പ്രതിഭ ഹാളിൽ സംഘടിപ്പിച്ച ലോക നാടകദിന പരിപാടിയിൽ കലാ വിഭാഗം കൺവീനർ അനഘ രാജീവൻ സ്വാഗതം പറഞ്ഞു. പ്രതിഭ പ്രസിഡണ്ട് അഡ്വ: ജോയ് വെട്ടിയാടൻ അദ്ധ്യക്ഷനായ പരിപാടിയിൽ പ്രതിഭ മുഖ്യ രക്ഷാധികാരി പി.ശ്രീജിത് ബേബികുട്ടൻ തൂലികയ്ക്കുള്ള ഉപഹാരം കൈമാറി, നാടക സംവിധായകൻ ബോണി ജോസിനുള്ള ഉപഹാരം രക്ഷാധികാരി സമിതി അംഗം വീരമണിയും, സംവിധായകൻ ജയൻ മേലത്തിനുള്ള ഉപഹാരം ലോക കേരളസഭ അംഗവും പ്രതിഭ രക്ഷാധികാരി സമിതി അംഗവുമായ സി.വി.നാരായണനും കൈമാറി. പ്രതിഭ ട്രഷറർ മിജോഷ് മൊറാഴ നന്ദി പറഞ്ഞു. രക്ഷാധികാരി സമിതി അംഗങ്ങളായ എൻ.കെ. വീരമണി, സ:ഷെരീഫ് കോഴിക്കോട് ,സെൻട്രൽ കമ്മിറ്റി അംഗങ്ങളായ മിജോഷ് മൊറാഴ, അനില്‍ കണ്ണപുരം,നാടക വേദി അംഗങ്ങളായ ദുർഗ കാശിനാഥ് , സ്മിത സന്തോഷ്, കൂടാതെ കണ്ണൻ മുഹറഖ്, രാജേഷ് അട്ടാചാരി, എന്നിവർ പരിപാടികൾക്ക് നേതൃത്വം നൽകി.
mhbjhgj
jhgjhgjhgj
