ബഹ്റൈൻ കേരളീയ സമാജം സ്ഥാനാരോഹണ ചടങ്ങ് നാളെ
മനാമ: ബഹ്റൈൻ കേരളീയ സമാജം പുതിയ ഭരണ സമിതിയുടെ 2018−19 വർഷത്തെ ഔദ്യോഗികമായ സ്ഥാനാരോഹണ ചടങ്ങ് നാളെ വൈകുന്നേരം 7ന് സമാജം ഡയമണ്ട് ജുബിലി ഹാളിൽ വെച്ച് നടക്കും. സിനിമാ താരവും എം.എൽ.എയുമായ മുകേഷ് മുഖ്യാതിഥിയും ഈ വർഷത്തെ സംസ്ഥാന ചലച്ചിത്ര അവാർഡ് ജേതാവ് ഇന്ദ്രൻസ് (മികച്ച നടൻ) വിശിഷ്ട അതിഥിയും കൂടാതെ പത്മശ്രീ ഡോ. രവിപിള്ള, ബി.കെ.ജി ഹോൾഡിംഗ് ചെയർമാൻ കെ.ജി ബാബുരാജൻ, എ.വി.എ ഹെൽത്ത് കെയർ മാനേജിംഗ് ഡയറക്ടർ ഡോ: എ.വി അനൂപ് എന്നിവർ പ്രത്യേക അതിഥികളും ആയിരിക്കും.
