‘അശരണർക്കൊരു വീട്’; താക്കോൽ ദാനം ഫെബ്രുവരി 26ന്
മനാമ: ബഹ്റൈൻ കേരളീയ സമാജത്തിന്റെ എഴുപതാം വാർഷികത്തോടനുബന്ധിച്ച് നടപ്പിലാക്കിയ അഭിമാന പദ്ധതി ‘അശരണർക്കൊരു വീട്’ എന്ന പദ്ധതിയിൽ ഉൾപ്പെടുത്തി ചെങ്ങന്നൂർ മുളക്കുഴ പൂപ്പങ്കര നാൽപ്പെട്ട് ലക്ഷ്മി സദനത്ത്‌ സുശീലന് നിർമ്മിച്ചു നൽകിയ വീടിന്റെ താക്കോൽ ദാനം ഫെബ്രുവരി 26ാം തീയതി (തിങ്കളാഴ്ച) വൈകീട്ട് അഞ്ച്‌ മണിക്ക് മാവേലിക്കര എം.പി കൊടിക്കുന്നിൽ സുരേഷ് നിർവ്വഹിക്കുമെന്ന് ഭാരവാഹികൾ അറിയിച്ചു. വീടിന്റെ നിർമ്മാണത്തിന് വേണ്ടുന്ന മാർഗ്ഗനിർദ്ദേശം തന്ന ബഹ്റൈൻ കേരളീയ സമാജം പ്രസിഡണ്ട് പി.വി രാധാകൃഷ്ണപിള്ള, കെ.ആർ രാജപ്പൻ, പ്രസാദചന്ദ്രൻ, ഹാബിറ്റാറ്റ് കന്പനിയുടെ പ്രതിനിധികൾ എന്നിവരോടുള്ള നന്ദി ബന്ധപ്പെട്ടവർ അറിയിച്ചു.
