ബഹ്റൈൻ കേരളീയ സമാജം പുരസ്കാരം പ്രഭാവർമ്മക്കും ജി.ശങ്കറിനും സമ്മാനിച്ചു
മനാമ: ബഹ്റൈൻ കേരളീയ സമാജത്തിന്റെ ഈ വർഷത്തെ സാഹിത്യ പുരസ്കാരം പ്രഭാവർമ്മയ്ക്ക് പ്രൗഢ ഗംഭീരമായ ചടങ്ങിൽ സമ്മാനിച്ചു. കഥയുടെ കാരണവർ ടി. പത്മനാഭനാണ് പുരസ്കാരം സമ്മാനിച്ചത്.
ചടങ്ങിൽ പ്രഥമ ലാറി ബേക്കർ പുരസ്ക്കാരം ജി. ശങ്കറിന് സമ്മാനിച്ചു. ബഹ്റൈൻ കേരളീയ സമാജം പ്രസിഡണ്ട് പി.വി രാധാകൃഷ്‌ണ പിള്ള, ജനറൽ സെക്രട്ടറി എൻ.കെ വീരമണി തുടങ്ങിയവർ ചടങ്ങിൽ സംബന്ധിച്ചു. അതിനോടനുബന്ധിച്ച് ടി. പദ്മനാഭന്റെ ഒടുവിലത്തെ പാട്ട് എന്ന ചെറുകഥയെ കേന്ദ്രമാക്കി മജീഷ്യൻ ഗോപിനാഥ് മുതുകാടിന്റെ മാജിക്ക്‌ ഷോയും ഉണ്ടായിരുന്നു.
