ഇന്ത്യൻ ക്ലബ് മെമ്പേഴ്‌സ് പ്രതിമാസ ബാഡ്മിന്റൺ ടൂർണമെന്റ് സമാപിച്ചു
പ്രദീപ് പുറവങ്കര
മനാമ: ഇന്ത്യൻ ക്ലബ്ബിന്റെ ആഭിമുഖ്യത്തിൽ നടത്തിവരുന്ന 11-ാമത് പ്രതിമാസ ബാഡ്മിന്റൺ ടൂർണമെന്റ് വിജയകരമായി സമാപിച്ചു. ഒക്ടോബർ 25 മുതൽ 28 വരെ നാല് ദിവസങ്ങളിലായി നടന്ന ടൂർണമെന്റിൽ ഡബിൾസ് വിഭാഗത്തിലാണ് മത്സരങ്ങൾ നടന്നത്. ക്ലബ് അംഗങ്ങളുടെ മികച്ച പങ്കാളിത്തവും കായിക മാതൃകയും കൊണ്ട് ടൂർണമെന്റ് ഏറെ ശ്രദ്ധേയമായി.
വിവിധ ലെവലുകളിലായി നടന്ന മത്സരങ്ങളിൽ പ്രീമിയർ ഡബിൾസ് വിഭാഗത്തിൽ പ്രവീൺ ജെബ്രാജ്, നദീം നഹാസ് എന്നിവർ വിജയികളായപ്പോൾ, ജിഷം മുഹമ്മദ്, ഡെറിക് ജി എന്നിവർ റണ്ണേഴ്സ് അപ്പായി. ലെവൽ 1 ഡബിൾസിൽ ബിജോയ് കാംബ്രാത്ത്, ജൈസൺ കെ എന്നിവർ ഒന്നാം സ്ഥാനം നേടി. ജോസഫ് ജോയ്, ശങ്കർ എന്നിവരാണ് ഈ വിഭാഗത്തിൽ രണ്ടാം സ്ഥാനത്ത് എത്തിയത്. ലെവൽ 2 ഡബിൾസിൽ ഷെർവിൻ സുനിൽ, വിപിൻ ടി.ജി എന്നിവർ വിജയികളായപ്പോൾ, ജോർജ് തോമസ്, സുജിത് സുരേഷ് കുമാർ എന്നിവർ റണ്ണേഴ്സ് അപ്പായി. ലെവൽ 3 ഡബിൾസിൽ സാനിയസ്നൈൻ ഷെയ്ഖ്, അഭയ് കൃഷ്ണ സഖ്യം വിജയികളായി, ഗണേശൻ, ജോയ് വിൻസ്റ്റൻ എന്നിവർ രണ്ടാം സ്ഥാനം നേടി. ലെവൽ 4 ഡബിൾസിൽ ജോർജ് കെ. ജോർജ്, സായ് കുമാർ എന്നിവർ ഒന്നാം സ്ഥാനം കരസ്ഥമാക്കിയപ്പോൾ, അഭിനവ് സുരേഷ്, സീമ വർഗീസ് എന്നിവർ റണ്ണേഴ്സ് അപ്പായി.
ടൂർണമെന്റ് വിജയികളെയും പങ്കെടുത്ത എല്ലാ താരങ്ങളെയും ഇന്ത്യൻ ക്ലബ് എക്സിക്യൂട്ടീവ് കമ്മിറ്റിയും ബാഡ്മിന്റൺ സെക്രട്ടറി ബിനു പപ്പച്ചനും അഭിനന്ദിച്ചു. കായികക്ഷമതയും ആരോഗ്യകരമായ ജീവിതശൈലിയും പ്രോത്സാഹിപ്പിക്കുന്നതിന്റെ ഭാഗമായാണ് ഇത്തരം ടൂർണമെന്റുകൾ സംഘടിപ്പിക്കുന്നതെന്ന് ക്ലബ് ഭാരവാഹികൾ വ്യക്തമാക്കി. സ്പോൺസർമാരുടെയും സന്നദ്ധപ്രവർത്തകരുടെയും പിന്തുണയോടെയാണ് ടൂർണമെന്റ് വിജയകരമായി പൂർത്തിയാക്കിയത്.
്ു്ിു
