നാഷണൽ ഇവാഞ്ചലിക്കൽ ചർച്ചിന്റെ 120-ാം വാർഷികാഘോഷത്തിൽ പങ്കെടുത്ത് ശൈഖ് അബ്ദുള്ള ബിൻ ഹമദ്
പ്രദീപ് പുറവങ്കര
മനാമ: ബഹ്റൈനിലെ നാഷണൽ ഇവാഞ്ചലിക്കൽ ചർച്ചിന്റെ 120-ാം വാർഷികാഘോഷത്തിൽ ഹിസ് മജസ്റ്റി കിംഗ് ഹമദ് ബിൻ ഈസ അൽ ഖലീഫയെ പ്രതിനിധീകരിച്ച് ഹിസ് ഹൈനസ് ശൈഖ് അബ്ദുള്ള ബിൻ ഹമദ് അൽ ഖലീഫ പങ്കെടുത്തു. കിംഗ് ഹമദ് ഗ്ലോബൽ സെന്റർ ഫോർ പീസ്ഫുൾ കോഎക്സിസ്റ്റൻസുമായി സഹകരിച്ചാണ് ചടങ്ങ് സംഘടിപ്പിച്ചത്.
ചടങ്ങിൽ പങ്കെടുത്തവർക്ക് രാജാവിന്റെ ആശംസകളും അഭിനന്ദനങ്ങളും ശൈഖ് അബ്ദുള്ള കൈമാറി. ബഹ്റൈന്റെ ആധുനിക ഭരണകൂടത്തിന്റെ സ്ഥാപകനായ ശൈഖ് ഈസ ബിൻ അലി അൽ ഖലീഫയോടുള്ള ആദരസൂചകമായി ഈ വർഷത്തെ 'ഇയർ ഓഫ് ഈസ അൽ കബീർ' ആയി പ്രഖ്യാപിച്ച രാജകീയ നിർദ്ദേശവുമായി ഈ ആഘോഷം ഒത്തുപോകുന്നുവെന്ന് അദ്ദേഹം ചൂണ്ടിക്കാട്ടി.
വിവിധ മതങ്ങളും സംസ്കാരങ്ങളും തമ്മിലുള്ള സമാധാനപരമായ സഹവർത്തിത്വത്തിന്റെയും സഹിഷ്ണുതയുടെയും ബഹ്റൈന്റെ പാരമ്പര്യത്തെയാണ് ഈ ആഘോഷം പ്രതിഫലിപ്പിക്കുന്നതെന്ന് ശൈഖ് അബ്ദുള്ള പറഞ്ഞു. ഹമദ് രാജാവിന്റെ നേതൃത്വത്തിൽ എല്ലാ വിഭാഗം ജനങ്ങൾക്കും പരസ്പര ബഹുമാനത്തോടെയും മതസ്വാതന്ത്ര്യത്തോടെയും ജീവിക്കാനുള്ള സാഹചര്യം രാജ്യം ഉറപ്പാക്കുന്നുണ്ടെന്നും അദ്ദേഹം കൂട്ടിച്ചേർത്തു. മുതിർന്ന ഉദ്യോഗസ്ഥരുടെയും വിവിധ മതനേതാക്കളുടെയും പങ്കാളിത്തം ബഹ്റൈനുമായുള്ള ശക്തമായ ബന്ധത്തെയാണ് കാണിക്കുന്നതെന്നും അദ്ദേഹം വ്യക്തമാക്കി.
eerewr
