ഇന്ത്യയിൽ കഴിഞ്ഞ 24 മണിക്കൂറിനിടെ 46,164 പേർക്ക് കോവിഡ് സ്ഥിരീരിച്ചു
ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 46,164 പേർക്ക് കോവിഡ് സ്ഥിരീരിച്ചു. ഇതിൽ 68 ശതമാനം കേസുകളും റിപ്പോർട്ട് ചെയ്തിരിക്കുന്നത് കേരളത്തിലാണ്. 31,445 പേർക്കാണ് ബുധനാഴ്ച കേരളത്തിൽ കോവിഡ് പോസിറ്റീവായത്. 24 മണിക്കൂറിനിടെ രാജ്യത്ത് 607 മരണം കൂടി സ്ഥിരീകരിച്ചിട്ടുണ്ട്. ഇതിൽ 215 മരണം റിപ്പോർട്ട് ചെയ്തിരിക്കുന്നത് കേരളത്തിലാണ്.
രാജ്യവ്യാപകമായി ഒറ്റദിവസം 34,159 പേർ രോഗമുക്തി നേടി. കേന്ദ്ര സർക്കാർ കണക്കനുസരിച്ച് 4,36,365 പേരാണ് ഇതുവരെ രാജ്യത്ത് കോവിഡ് ബാധിച്ച് മരിച്ചത്. നിലവിൽ 3,33,725പേരാണ് കോവിഡ് സ്ഥിരീകരിച്ച് ചികിത്സയിലുള്ളത്. രാജ്യത്ത് കഴിഞ്ഞ 24 മണിക്കൂറിനിടെ 80,40,407 പേർ കോവിഡ് വാക്സിന് സ്വീകരിച്ചു. രാജ്യത്ത് ഇതുവരെ 60,38,46,475 പേർക്കാണ് വാക്സിൻ നൽകിയത്.
