ഇന്ത്യന് വിമാനങ്ങള്ക്കുള്ള വിലക്ക് നീക്കി പാകിസ്ഥാന്; വ്യോമപാത തുറക്കും
ന്യൂഡൽഹി: വ്യോമമേഖല ഉപയോഗിക്കുന്നതില് ഇന്ത്യന് വിമാനങ്ങള്ക്കുള്ള വിലക്ക് പാകിസ്ഥാന് നീക്കി. ബാലാക്കോട്ട് ആക്രമണത്തിന് പിന്നാലെയാണ് പാകിസ്ഥാന് ഇന്ത്യന് വിമാനങ്ങള്ക്കേർപ്പെടുത്തിയത്. ഇന്ന് പുലര്ച്ചെ 12.41 ഓടെയാണ് പാക്കിസ്ഥാന് വ്യോമമേഖല ഉപയോഗിക്കുന്നതിന് ഇന്ത്യന് വിമാനങ്ങള്ക്ക് അനുവാദം നല്കിയത്. ഫെബ്രുവരി 26 ന് ബാലാക്കോട്ടിലെ ജെയ്ഷെ മുഹമ്മദിന്റെ തീവ്രവാദ ക്യാമ്പ് ഇന്ത്യന് വ്യോമസേന തകര്ത്തതിന് പിന്നാലെ പാക്കസ്ഥാന് വ്യോമമേഖല പൂര്ണ്ണമായി അടയ്ക്കുകയായിരുന്നു.
ഇതിന് പിന്നാലെ 11 റൂട്ടുകളില് രണ്ടെണ്ണം പാകിസ്ഥാന് തുറന്നിരുന്നു. പാക്കിസ്ഥാന് വ്യോമമേഖല അടച്ചതോടെ ഇന്ത്യന് വ്യോമ ഗതാഗത മേഖലക്ക് 550 കോടി രൂപയുടെ നഷ്ടം ഉണ്ടായെന്ന് വ്യോമയാന മന്ത്രി രാജ്യസഭയില് വ്യക്തമാക്കിയിരുന്നു. എയര് ഇന്ത്യക്ക് മാത്രം 491 കോടി രൂപയുടെ നഷ്ടം ഉണ്ടായി. ഇതിന് പിന്നാലെ ഗള്ഫ് രാജ്യങ്ങളിലേക്കും അമേരിക്കയിലേക്കും യൂറോപ്പിലേക്കുമുള്ള വിമാന സര്വ്വീസുകള് എയര് ഇന്ത്യ നിര്ത്തിവെച്ചിരുന്നു.
