കുവൈത്തിൽ പൊതുമേഖലയിൽ സ്വദേശി തൊഴിലാളികളുടെ എണ്ണം കൂടി
കുവൈത്ത് സിറ്റി : രാജ്യത്തെ പൊതുമേഖലയിലെ തൊഴിൽശേഷിയിൽ അഞ്ചുവർഷത്തിനിടെ സ്വദേശികൾ വർദ്ധിച്ചു. സെൻട്രൽ സ്റ്റാറ്റിസ്റ്റിക്കൽ ബ്യൂറോയുടെ കണക്കനുസരിച്ച് പൊതുമേഖലയിൽ തൊഴിലെടുക്കുന്നവരുടെ എണ്ണം 3,90,000 ആണ്.
73.7% സ്വദേശികളും 26.3% വിദേശികളും. 2013നു ശേഷം പൊതുമേഖലയിൽ ജോലി ചെയ്യുന്ന സ്വദേശികളുടെ എണ്ണത്തിൽ 17% വർദ്ധനയുണ്ടായി. പൊതുമേഖലയിൽ ജോലി ചെയ്യുന്നവരിൽ പകുതിയും ആരോഗ്യ − വിദ്യാഭ്യാസ മന്ത്രാലയങ്ങളിലാണ്.
