റഷ്യയിലെ കാംചാത്ക ഉപദ്വീപിൽ ശക്തമായ ഭൂചലനം; റിക്ടർ സ്കെയിലിൽ 7.0 തീവ്രത രേഖപ്പെടുത്തി
ശാരിക
മോസ്കോ: റഷ്യയുടെ കിഴക്കൻ തീരമേഖലയിലുള്ള കാംചാത്ക ഉപദ്വീപിൽ ശക്തമായ ഭൂചലനം അനുഭവപ്പെട്ടു. റിക്ടർ സ്കെയിലിൽ 7.0 തീവ്രത രേഖപ്പെടുത്തിയ ഭൂകമ്പമാണ് ഉണ്ടായതെന്ന് യൂറോപ്യൻ മെഡിറ്ററേനിയൻ സീസ്മോളജിക്കൽ സെന്റർ ഔദ്യോഗികമായി അറിയിച്ചു.
പ്രാദേശിക സമയം ഉച്ചകഴിഞ്ഞ് 3.35-ഓടെയാണ് ഭൂചലനം ഉണ്ടായത്. ഭൂമിക്കടിയിൽ ഏകദേശം 140 കിലോമീറ്റർ ആഴത്തിലാണ് ഇതിന്റെ പ്രഭവകേന്ദ്രമെന്നും സീസ്മോളജിക്കൽ സെന്റർ വ്യക്തമാക്കിയിട്ടുണ്ട്. ഭൂകമ്പത്തെത്തുടർന്ന് നിലവിൽ വൻ നാശനഷ്ടങ്ങളോ ആളപായമോ ഒന്നും തന്നെ റിപ്പോർട്ട് ചെയ്തിട്ടില്ല.
തുടർചലനങ്ങൾ ഉണ്ടാകാൻ സാധ്യതയുണ്ടെങ്കിലും സുനാമി ഭീഷണി ഇല്ലെന്നാണ് റഷ്യയിലെ സുനാമി മുന്നറിയിപ്പ് കേന്ദ്രത്തിന്റെ പ്രധാന അറിയിപ്പ്. ഭൂചലനത്തിന്റെ പശ്ചാത്തലത്തിൽ ബന്ധപ്പെട്ട അധികൃതർ മേഖലയിലെ സ്ഥിതിഗതികൾ വളരെ സൂക്ഷ്മമായി വിലയിരുത്തിവരികയാണ്.
aaf
