കേരളത്തിന് പ്രധാനമന്ത്രിയുടെ സമ്മാനം: 3,200 കോടിയുടെ പദ്ധതി
സെൻട്രൽ സ്റ്റേഡിയത്തിൽ റെയിൽവേയുടെ വിവിധ വികസന പദ്ധതികളും കൊച്ചി വാട്ടർ മെട്രോ പദ്ധതിയും പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. 3200 കോടിയിലേറെ രൂപയുടെ വികസന പദ്ധതികള് ആണ് പ്രധാനമന്ത്രി ഉദ്ഘാടനം ചെയ്തത്. ഡിജിറ്റല് സയന്സ് പാര്ക്കിന്റെ നിര്മാണ ഉദ്ഘാടനം, ദക്ഷിണ റെയില്വേയുടെ പാലക്കാട്, തിരുവനന്തപുരം ഡിവിഷന് കീഴിലെ വിവിധ പദ്ധതികളുടെ ഉദ്ഘാടനം (തിരുവനന്തപുരം സെന്ട്രല് പ്രധാന ടെര്മിനലായും കൊച്ചുവേളിയും നേമവും ഉപ ടെര്മിനലായും വികസിപ്പിക്കുന്ന പദ്ധതി), തിരുവനന്തപുരം സെന്ട്രല്, കൊച്ചുവേളി, നേമം, വര്ക്കല, കോഴിക്കോട് സ്റ്റേഷനുകള് ലോക നിലവാരത്തിലാക്കുന്ന പദ്ധതി ഉദ്ഘാടനം എന്നിവ നിർവഹിച്ചു.
വിമാനത്താവള മാതൃകയില് തിരുവനന്തപുരം സെന്ട്രല് സ്റ്റേഷന് വികസിപ്പിക്കാന് 496 കോടി രൂപയുടെ പദ്ധതിയാണ് ആവിഷ്കരിച്ചിരിക്കുന്നത്. വര്ക്കല ശിവഗിരി സ്റ്റേഷനില് നടപ്പാക്കുന്നത് 170 കോടി രൂപയുടെ പുനര്നവീകരണമാണ്. നാല് പുതിയ ട്രാക്കുകള് ഉള്പ്പെടെ കോഴിക്കോട് റെയില്വേ സ്റ്റേഷനില് 473 കോടി രൂപയുടെ മാസ്റ്റര് പ്ലാനാണ് പ്രധാനമന്ത്രി ഉദ്ഘാടനം ചെയ്തത്. തിരുവനന്തപുരം- ഷോര്ണൂര് സെക്ഷനിലെ ട്രെയിന് വേഗം 110 കിലോ മീറ്ററാക്കുന്ന പദ്ധതിയും പ്രധാനമന്ത്രി ഉദ്ഘാടനം ചെയ്തു.
SDFGBFGD
