രണ്ട് ഡോസ് വാക്സിന് സ്വീകരിച്ച രക്ഷിതാക്കള് മാത്രം കുട്ടികളെ സ്കൂളില് വിട്ടാല് മതിയാകും
തിരുവനന്തപുരം: നവംബർ ഒന്നിന് സ്കൂൾ തുറക്കുന്നതിന് മുന്നോടിയായി മാര്ഗ നിര്ദ്ദേശങ്ങള് വിശദീകരിച്ച് വിദ്യാഭ്യാസ മന്ത്രി വി. ശിവൻകുട്ടി. ‘തിരികെ സ്കൂളിലേക്ക്’ എന്ന പേരിലാണ് മാര്ഗരേഖ പുറത്തിറക്കിയത്. സ്കൂൾ തുറന്ന് ആദ്യ രണ്ടാഴ്ചത്തെ വിലയിരുത്തലിന് ശേഷം പാഠഭാഗങ്ങൾ ഏതൊക്കെ പഠിപ്പിക്കണം എന്നതിൽ സർക്കാർ തീരുമാനമെടുക്കും. ടൈം ടേബിൾ അതാത് സ്കൂളുകൾക്ക് തീരുമാനിക്കാം. പരമാവധി കുട്ടികളെ സ്കൂളിലേക്കെത്തിക്കാൻ രക്ഷിതാക്കളും അധ്യാപകരും ശ്രമിക്കണം. സ്കൂളിലെത്തുന്നതുമായി ബന്ധപ്പെട്ട് വിദ്യാര്ഥികള്ക്കും രക്ഷിതാക്കള്ക്കും ആശങ്ക വേണ്ട. പൊതു അവധി ഒഴികെയുള്ള ശനിയാഴ്ചകളില് ക്ലാസുണ്ടാവും. രണ്ട് ഡോസ് വാക്സിന് സ്വീകരിച്ച രക്ഷിതാക്കള് മാത്രം കുട്ടികളെ സ്കൂളില് വിട്ടാല് മതിയാകുമെന്നും മന്ത്രി പറഞ്ഞു.
