കണ്ണൂരിൽ ആംബുലൻസ് നിയന്ത്രണം വിട്ട് മരത്തിലടിച്ച് മൂന്ന് മരണം
കണ്ണൂർ: ആംബുലൻസ് നിയന്ത്രണംവിട്ട് മരത്തിലിടിച്ച് മൂന്നു പേർ മരിച്ചു. കണ്ണൂർ എളയാവൂരിലാണ് സംഭവം. ഡ്രൈവർ നിഥിൻ രാജ്, ബിജോ, റജീന എന്നിവരാണ് മരിച്ചത്. സംഭവസ്ഥലത്ത് വെച്ച് തന്നെ രണ്ട് പേർ മരണപ്പെട്ടിരുന്നു. പരിക്കേറ്റ ഒരാളുടെ നില ഗുരുതരമാണ്. ഇന്ന് പുലർച്ചെയാണ് അപകടമുണ്ടായത്. അപകടം അറിഞ്ഞു നാട്ടുകാർ എത്തിയെങ്കിലും ആംബുലൻസിന് അകത്തു നിന്നും അപകടത്തിൽ പെട്ടവരെ പുറത്തെടുക്കാൻ സാധിച്ചില്ല. പിന്നീട് അഗ്നിശമനസേന എത്തിയാണ് ഇവരെ പുറത്തെടുത്തത്. പയ്യാവൂർ മേഴ്സി ഹോസ്പിറ്റലിൽ നിന്ന് കണ്ണൂരിലേയ്ക്ക് പോവുകയായിരുന്നു ആംബുലൻസ്.
