ഏഷ്യാനെറ്റ് ന്യൂസിന്റെ ചര്ച്ചകളില് പാര്ട്ടി പ്രതിനിധികള് പങ്കെടുക്കില്ലെന്ന് സിപിഐഎം
തിരുവനന്തപുരം: പ്രത്യേക അജണ്ട വെച്ച് നയിക്കുന്ന ഏഷ്യാനെറ്റ് ന്യൂസിന്റെ ചര്ച്ചകളില് പാര്ട്ടി പ്രതിനിധികള് പങ്കെടുക്കില്ലെന്ന് സിപിഐഎം. ചാനല് ചര്ച്ചകള് രാഷ്ട്രീയ പാര്ട്ടി പ്രതിനിധികള് തങ്ങളുടെ നിലപാട് അവതിരിപ്പിക്കുന്ന വേദിയാണ്.
എന്നാല് ഏഷ്യാനെറ്റ് ന്യൂസിന്റെ ന്യൂസ് അവറിലെ കഴിഞ്ഞ ദിവസങ്ങളിലെ ചര്ച്ച സിപിഐ എം പ്രതിനിധികള്ക്ക് വസ്തുതകള് അവതരിപ്പിക്കാനും പാര്ട്ടിയുടെ നിലപാടുകള് വ്യക്തമാക്കാനും സമയം തരാത്ത രീതിയിയിലേക്ക് മാറിയിരിക്കുന്നു. ഈ ജനാധിപത്യ വിരുദ്ധതയില് പ്രതിഷേധിച്ചാണ് സിപിഐ എം ഏഷ്യാനെറ്റ് ചാനൽ ചർച്ചകളിൽ പങ്കെടുക്കേണ്ടെന്ന് തീരുമാനിച്ചത്.


